怪談．．．

呢排好似好得閒但係又無乜出去逛，日日暱響屋企煲碟，煲乜戲？其實係煲節目．．．“怪談”．．．呢個節目係香港有線台既一個靈異節目黎既．節目有好多種，但係好多都做吾耐，因為Ｄ橋無晒，唯獨是靈異節目就長做長有．事關Ｄ觀眾係非常之鍾意自己嚇自己既，我係其中一個好例子．
鍾意睇呢Ｄ節目既人並吾代表你迷信，不過寧可信其有，不可信其無．就好似細佬甘，吾知幾時听人講過當你入住一間酒店既時候，入門之前要敲敲個門，意示我黎借宿者並無惡意既．跟住吾好將Ｄ濕毛巾掛響個衣柜里面，因為用易聚陰，訓前要將Ｄ鞋反轉一只，同埋最好係著Ｄ橙色或黃色衫入睡，甘就應該就無甘容易撞野，仲有仲有，check-out果日當你正要離開房間既時候，千其千其吾好同同房既人大講“好咯，行啦，我地返屋企啦！”呢Ｄ野我都照做，就算你話我迷信都無計架啦，我只係避免有事發生者．
我听過會令我一住酒店就會捻起既故事，非常恐怖．話說，有兩個記者去台灣做野，住同一間房，有一日，其中一個就響廁所度沖涼，通常Ｄ熱水既蒸氣都會整到塊大鏡矇晒，好正常，但係鏡上面若隱若現出現Ｄ字，寫住“敏敏，我愛你”，初時個記者以為係上一手既住客情到濃時用唇膏寫低Ｄ甜言蜜語，唇膏有油漬，抹吾淨者，依家遇到蒸氣又出現甘解者．．．所以佢都無擺響心到．直到check-out既時候，佢同另外既記者講左聲：“好咯，行啦，我地返屋企啦！”．．．返到吉隆坡都無乜事發生．自小父母離異既佢，同妹妹跟左啊媽住，即係成屋都係女人．．直至到有一日，佢響外面做緊野既時候，發覺有Ｄ文件留左響屋企，捻住打個電話返去比啊媽，叫佢幫手搵下，電話響左好耐，之后有個男人接听個電話，個記者心捻，屋企呢個時候無可能會有男人響架喔．于是個記者就問個男人：你係邊個？男人話：我係敏敏！記者又問：邊個敏敏？你點會響我屋企架？男人話：上次響台灣酒店度你叫我跟你返屋企架嘛．．．