呢幾日天下太平，過得安枕無憂，響我生活當中應該算得上係好事黎既．不過人係犯艱既，無風無浪既日子，硬係覺得悶，不過又吾係平淡到呢個地步既，只係Ｄ芝麻綠豆既事吾想寫者．不過都有單幾開心既case想同大家分享下既，就係細佬唱片公司既同門師妹chervie何憶文既專輯得到各界人士既支持，已經收到repeat order既訂單啦，真係可喜可賀，試問今時今日馬來西亞華人歌手有幾多個有repeat order既訂單呀．．．我絕對吾係響到幫chervie宣傳，而係我真係覺得佢係真係掂既．事關由我岩岩識佢果陣，佢真係勁肥既肥妹，成七十幾八十公斤，為左可以出唱片做歌手，而修身減肥變成依家四十幾公斤，單憑呢份毅力，我就已經佩服佢啦．好多人都好好奇究竟佢點減咧，朝早五點幾起身，去gym跑個幾鐘步，然后返工（朝九晚五），放工之后又去gym度健身join class做yoga,body pump,勁踩單車一個鐘burn 900卡果Ｄ，之后就返studio練唱．．．係每日重復做同樣既野，你得吾得呀？我就自問吾得啦．．．有次仲勁，你有無听過跑步跑到腳流血都仲要繼續跑呀？就算係受左傷都要繼續堅持果份熱誠，絕對吾會為左少少事而放棄．．．響依家呢個社會已經好難再搵到呢款人啦，依家Ｄ后生仔女，做事無樣野上心既，舉個例，有Ｄ拍過幾場戲做Ｋ，又或者贏過一Ｄ電視台既比賽，就已經覺得自己好紅好多人認得佢，工作既時候又吾認真，教佢野就凈係識得噢噢噢！教十次就噢十次，噢完之后都係做返同樣既野，究竟係你底，又還是你已經覺得自己高人一等咧？真係．．．哎．．．吾想提啦．．．講返chervie 啦，佢筆竟係一個新人，好多野都吾係好慣，但係佢對唱歌好執著，好努力去學Ｄ自己吾識既野，重未放棄過，就好似佢Ｄ歌甘，雖然係口水歌，但係要唱出自己既風格同擺脫原唱者既唱法，都幾難架．至起碼我擺佢張cd響車听都未捻過要換歌听住，證明Ｄ歌係掂既，我絕對吾係刷鞋．．．的而且確係幾好听既．希望大家可以支持下呢個“得”既新人啦．．記住佢既名叫Chervie Ho 何憶文 My Love Story ．．．
没有评论:
发表评论