w i l l i a m s a n + B L O G

我?坦白直接..所以咪成日比人鬧咯..

不過我都無理佢地,因為我覺得鬧我既人通常都係吾接受現實至會鬧我者...

6.2.09

利是利是多多多。。。




哇。。。一眨眼就差吾多过完年咯。。时间真系过得好快,今日已经十二咯。。又开始得闲啦。。哈哈。过年不外乎忙拜年以及吃喝玩乐。。。头果几晚都几乎通宵,拜年拜通宵?嘻嘻。。开下台者。。。一年一次玩下啦。。。真系玩下者,我对呢方面吾系好精,所以吾会博晒老命去到尽既。
其实捻黎捻去,依家既农历新年都好似远远不及旧时,仲记得应该15岁之前过既农历新年都好好玩好开心,通常所有亲戚都回去晒其中一个姑姐屋企,大既玩麻雀,细既玩鱼虾蟹,本钱都系老豆比既,哈哈。。。再细D既就玩烟花爆仗。。。真系好有过年feel。。几十人响间屋度wee哇鬼叫,吵到七彩。相反地,依家以前做细既都已经长大成人咯,各有各既节目,吾系就去左男女朋友度又或者朋友度,都好少机会响年初一见到一大班亲戚齐齐整整聚埋一齐咯。所以我真系好希望呢种华人既传统文化可以继续流传落去(讲到自己好似好伟大甘,哈哈,不过我真系甘捻架)所以我适逢年初一,一定见到我块面既,嘻嘻。。。
今个年初一我陪左老妈子去阿姨度拜年,个个见到我都好愕然,点解我会出现,因为我系属于稀客,事关每年既初一都系去老豆果边同姑姐阿伯拜年,至于今年时间调教得岩岩好,去完阿姨度跟住再去老豆度,哇。。。赶住去拜年都几刺激架。。。哈哈。。。甘赶都值得架,事关可以将D利是一网打尽吖嘛。。。哈哈哈哈哈!!
反而今年过年我无乜影到相喔。。。大部分时间都响度开台,不过都有个妇产科医生旧同学带左部好专业既相机去做摄影师,影左好多相,真系多谢晒呢位甘专业既妇产科医生旧同学,吾知你妇产专业D呢定系摄影呢?嘻嘻。。。另外一张相就系同我阿姨吖,表哥表姐,表外甥,仲有我老母都响入面,不如你地估下我老母系边个啦。。。估中既话就。。。。。。。祝你万寿无疆啦。。。。哈哈