w i l l i a m s a n + B L O G

我?坦白直接..所以咪成日比人鬧咯..

不過我都無理佢地,因為我覺得鬧我既人通常都係吾接受現實至會鬧我者...

30.12.09

I'LL BE BACK TAIWAN !!!






哎。。。终于放完假返黎啦。。。成个人松晒。。
。台北。一个我未去过但系又唔会太陌生既地方。(因为成日睇台湾节目,相信大家都系)。。。既然系第一次去,更系做D游客要做既事啦,去下D观光景点,喇喇霖影两张相就走人啦。。。乜乜纪念堂,101吖,西门町吖,北投温下泉,野柳睇下怪石吖,九份做下游客吖,渔人码头吹下风吖,淡水夜市行下吃下“啊给”吖,士林夜市扫下街,饶河夜市吃下胡椒饼,正!好吃!胡椒饼真系aloi mak mak,五分铺咯,(至敝依家全部卖冬装呢)。。。等等。。哇。。。好游客噢。。。不过有D地方真系可以唔洗去,例如D夜市(俗称我地既pasar malam)个个夜市都一样既,只系唔同地方者,又但系有D地方值得去既,去完甘多个地方,本人觉得去野柳睇下D怪石真系几正架。。。当置身于果度既感觉就好似。。。“唔知去左边甘”哈哈。。天涯海角。。。壮观又无助,一种好奇怪既感觉,哈哈。。。不过唔紧要啦,至起码够冻够大风,块面唔会油霖霖,不过如果夏天既话,我就一定无会去。。。成个沙漠甘,热都热死啦。。。。。其实如果再比我去台湾我依然都会选择年尾去,不过一定要去跨年,而唔系净系圣诞,因为原来台湾唔兴庆祝圣诞,但系跨年就会大事庆祝。。。至起码睇烟花都有排你睇啦。。。跨年show又一大堆。。。。。
其实响台北唔净只好玩既,最重要都系D人既文化,佢地都好好人,岩岩识到几个台湾朋友仔,好好玩好友善好热情。。。捻尽办法带我呢度去果度去。。。佢地都对我好好,比到我好好既印象,但系我觉得我就比到佢地好骑呢既感觉,究竟我系马来人定系咩人,点解识讲华语,广东话,英文,甚至佢地既台语,台语其实都同我地既福建话相差无几者。。。所以。。。唔好捻住响我地面前讲我地坏话吖。。。哈哈哈。。。(但系我同既个自己友就不停甘用马来话黎讲人坏话:P 。。。。maafkan saya)。。。。讲笑者。。。仲有果度D女仔既皮肤,个个都甘靓既,白suet suet滑luet luet,又识打扮,由此可见,台湾既美容产品多不胜数,周街都可以见得到好多好骑呢既美容产品,特别系D假眼睫毛,相信响台湾假眼睫毛可以当系其中一样“日常用品”,通街都响度卖,仲系成箱成箱甘卖,佩服佩服!!!相反地,男仔就真系无乜野可以买,全部都冬装,所以有少少失望,净系猛甘买裤。。。。
终结黎讲,我得而且确好喜欢台湾,其实同香港真系差唔多,但系点解中意台湾多过香港呢,原因就系,当我身处于台北既时候,要热闹有热闹,可以去D人多既地方,去下disco唱下k,要宁静有宁静,可以去下台东台南等等仲有好多好靓好舒服既地方可以去,呢D系香港揾唔到既。。。仲有。。。台湾人会令我留恋。。。。。。。。。。。。。。

22.12.09

星光灿烂终于收工咯。。。





哇哇哇。。。有史以来最耐既一次无update blog。。。。抱歉抱歉。。。因为由九月开始拍剧拍到十二月至完。。。完左之后又去忙D新年既节目。。。今日。。。终于可以写少少野啦。。。
相信大部分朋友都知我拍紧“星光灿烂”。。。有史以来我最多场数既一部剧。。。开拍到杀清,净系休息过一日者,不过我唔系怨D咩。。。我好感恩。。真既。。。多谢大家比呢个机会我。。。。不过真系好庆幸拍剧呢段期间,我既躯壳同灵魂都无“BI-BO BI-BO”即系霖底甘解。。。
其实拍呢部剧拍得好开心,凑埋成班都系玩得之人,恩仪,coby ,冰玉,偶像jeffrey,骏哥(王骏)。。相信好多人都好惊骏哥,大家放心,佢唔系蛮不讲理既人黎既,只要你既道理正确,佢一样系接受既。。。。呢个骏哥又系既,讲野甘大声做乜呢,吓亲人啦。。。。。。有佢响现场,净系听到佢既声者,细佬我真系好佩服佢,样样野都得,唱歌,跳舞,演戏,又有义气!!讲到演戏,佢既专业态度令我对佢另眼相看,为拍一场秃头既戏,为求逼真度,佢要求剃头,唔系剃晒,净系剃顶部,地中海look。。 试问时下又有几多个演员肯甘做阿。。。。骏哥,掌声鼓励鼓励!!!!!一埋位就笑唔停,不过大家都系专业既,笑还笑,开工时开工,绝对唔会影响拍摄进度既。。。
因为难得放假,所以喇喇霖听日去台湾玩下,返黎之后再po多D靓相比大家睇啦。。。祝自己一路顺风。。玩得开心D啦WILLIAM。。。。

4.11.09

7-11。。。





唔系讲紧间便利店吖。。。系讲紧好耐无update个blog啦。。。因为呢排都开工开得好频密,几乎7-11 。。。朝早7点到夜晚11点。。。九月开工到依家净系休过一日甘多,而果日就斋响屋企训觉。。。难得今日得闲D,今朝排完一场戏,阵间4点再继续,所以喇喇霖返黎屋企抖下,上下网,洗下车,隔离aunty问我:点解甘猛太阳洗车既,唔晒咩??我答佢:晒!无办法啦,我无时间洗!!!
呢排拍紧部新剧《星光灿烂》,里面讲述歌台生涯既一班人。歌台为故事既背景,甘即系话,D 戏服好抢眼,劲夸张,我几件都镶满珠片同铁链,闪到啊妈都唔认得!!而且里面会有好多歌听啦,系,无错,一D我净系听过歌名而未听过首歌既歌曲。。例如。。。《车站》。。一首好经典既福建歌。。。虽然我识得讲少少福建话,但系要唱得准,真系有D难度,好在有facebook,我将D歌词po上去,竟然有好多人都识得唱呢首歌,然后就教我发音。。多谢。。。果日仲比一位剧中既演员带左去睇去响挂花场登台,欣赏佢老练既舞台经验,点知佢玩野,突然间拉我上台唱,同两位女演员一齐唱《在雨中》。。。果一次,我真真正正体验到唱歌台比人挂花既经验。。。多谢王骏!!好欣赏你唱既果首rock版《梅兰梅兰我爱你》。。好正吖!!!
其实讲讲下,突然间觉得呢排接触好多“老歌”,《星光灿烂》里面已经有几首,然后又帮NTV7录紧新年歌,仲要拍埋MV添。。。拍完MV再赶过去拍戏,真系赶到面都青晒,好在自己享受拍野既过程,拍MV又可以同成斑玩得埋既艺人朋友一齐癫,去到山卡啦拍都唔怕闷亲。。。嘻嘻。。。唔系玩架,我地都好认真去强颜欢笑扮开心去迎接新年既来临架。。。哈哈哈。。。
好啦,暂时写住甘多先,依家要赶住去抖抖,阵间三点要出门啦。。。bye bye

22.9.09

多谢邝美云。。。


仲记得好多年前,邝美云姐姐有一首歌,歌名是“堆积情感”,里面有句独白—“有人话,醉过方知酒浓,爱过方知情重,huh,呃人既,我就话系,未尝酒醉已清醒,未曾深爱已无情”。。。呢句独白,听落好似好文绉绉,但系都算容易明白。。。
其实呢个世界上有D人,唔知道究竟酒既浓度有几高,饮左至算,誓以自己既酒量黎衡量,往往都系得到惨败既收场,饮到又晕又呕,仲要hang-over到第二日,而有D人响饮之前,就读清楚贴响酒樽上既标签,以便自己唔会中招。。。系咪一定要亲身体验过呢D所谓既滋味,先至叫做唔后悔呢?甘就要视乎个人既口味咯。。酒醉,只系生理上既受罪,而心理,就要爱过先至知道。。。究竟系咪要真正爱过一个人,先清楚知道“情”字系点写呢。。。未必既,我觉得就要睇下自己或者对方有无珍惜过呢一段情咯。。。同以上醉酒既解读相差无几。。。。有D人,唔知道个“情”字究竟系点写,就“钟”个头埋去,结果搞到自己损手烂脚,头崩额裂,而有D人就醒目D,就算表面上系同你拍紧拖,但系自己个心就企远D,再睇下自己日后系咪真系会同你一齐,甘样系咪代表你抱住玩票性质,尝试下一段感情,如果好既就尽量令到自己去爱对方。。。如果觉得唔岩自己,就讲一堆好虚伪既借口,例如—我仲未完全忘记上一段感情,所以无办法甘快去投入一段新既感情,或者--其实你系一个好人,你好体贴好细心,但系由于甘样,你令到我好大压力,我唔可以对你甘唔公平。。。。等等等等。。。呢D对白,剧本成日都会出现架啦,唔该换过D新D架啦。。。。
唔知系咪就系因为甘样,令到未饮过酒既人,就拒“酒”于千里之外,未饮就觉得会醉,令到未爱过既人,就觉得我唔会爱你,于是拒“情”于万里之外呢??
系咪要多谢邝姐姐讲出呢一段甘“残酷”同“写实”既一句独白呢。。。

28.8.09

华哥!!!


刘德华!!相信各位近日一打开报纸都会见到呢单新闻,sorry,唔洗打开都会见到,连续头条好几日。“刘德华朱丽倩十指紧扣返港首度公开亮相”。。。事件系由朱父意外过身开始,其实朱家丧礼第一晚,我都有去坐夜,经过朱小姐口中了解朱父意外既过程,深感惋惜,亦都捻紧,呢煲大咯。其实我第一晚去丧礼既时候已经见有记者响guard house外既bus stop撲住,入到去亦都见有几名实Q响到,就唔见有咩记者。直至第二日,接到call话已经揾差佬去维持秩序,吖,开始啦。。。之后就日日都见到新闻头条咯。。。新闻内容有D仲写到好黑人憎,又话咩唔配做人女婿吖,又话睇你闪得几耐,有本事连送殡都唔好现身等等甘既恶言。。。有个中可恶,话,你害到我地撲响对面街既mamak档24小时不眠不休,你知唔知我地为左你有几甘辛苦吖!!!痴线架,又无人叫你地甘24小时撲响人地门口,竟然仲赖人害你。。。呢D叫自己裸黎贱。。。。。甘多位记者朋友,人地屋企已经做紧白事,你地无谓再逼得甘紧啦好唔好。。。就算比你地影到证据,甘又点呢?唔同你会“添福添寿”咩???
其实。。华哥,想话比你知,欣赏你既人永远都会欣赏你,爱你既fans 仍然会支持你,因为你对娱乐事业作出既贡献,大家有目共睹。。。由于今次“十指紧扣”事件,令到大家好感动,亦都会对你更加尊重。。。。
华哥华嫂,永远幸福快乐。。。

16.8.09

国庆特备。我爱马来西亚??





果日。。。又癫左,又去泰国一轮,相隔一个月,去多次。。。今次系陪个朋友去买货。。。。再去抖几日咯。。。今次去,无乜特别事发生。。。只系好开心可以响泰国有几个好朋友。。。而且仲系好劲既好朋友。。。。劲??点劲吖??讲出黎真系吓亲自己。。好多年前识呢个朋友仔,应该无记错系2001年识佢既,当时佢系做hairstylist,fashion show既hairstylist,之后每次去曼谷都会揾佢出黎吃下饭饮下野,佢好nice,好客气,劲好招呼,于是变左几好既朋友啦。。。。奇就奇在我每次去亲曼谷揾佢,佢都揸唔同既车出黎,越换就越贵。。。由我初初识佢,旧款nissan sentra,BMW,toyota 4x4 fortuner,nissan teana。。。。于是我就问佢。。乜响泰国做hairstylist 甘好揾咩?佢话佢系帮泰国公主梳头,间中接下广告帮model set 下头。。。。听清楚,净系set 头者,佢系完全唔识剪头发既,净系帮人set 头都可以赚甘多!!今次我见佢仲劲,做埋Tata Young既发型顾问,Tata Young !!!劲吖!!!
次次过去佢都带我去D好靓既地方饮野,再带几个名模出黎,大家都好好人,英文讲到一旧旧,一时同我讲泰文,你知泰文几搞笑架啦,king king kong kong kang kang都唔知佢讲乜!! 好好笑好开心!!
话时话,佢地国家既专业程度系劲高既,譬如话我呢个朋友,净系帮人set头可以赚甘多,D model做场show都几千啦,仲成日飞巴黎做show添,问题就系。。。。点解马来西亚无既???呢度D人揾化妆师,最好就包埋set头。。。仲要有甘平得甘平。。。。。唉。。。真系听到都一壳眼泪吖。。。究竟马来西亚D专业态度去做边呢???就讲我呢行啦,呢度D制作公司揾演员,你估真系要演得咩??最主要就系你够平,最好唔收钱添,所以咪甘多“啊边个”出黎拍戏咯。。。。呢单听到就真系两壳眼泪咯。。。。
移民啦移民啦。。。。近近地就移去泰国啦。。。。。至弊唔识讲泰文呢。。。净系识讲“埋咪鬓下,咪det炖下”。。。。(记住千奇唔好周围讲吖,衰野黎架,因住比人打吖)

21.7.09

“巴杀风云”。。


期待已久既“巴杀风云”终于今晚播左第一集,果D所谓期待我呢部戏既朋友,你估真系想睇呢部戏咩??大部分都系想睇我个样!!向呢部戏既造型系点者。。。。哎呀。。。睇睇睇!!!睇饱去。。。。。其实呢,呢部戏既故事系相当吸引,讲述三个好兄弟,由细玩到大,一路黎响街市无恶不作,嫖赌饮荡吹,样样齐,上得山多终遇虎,有次比差佬黎扫档,其中一个差佬就捻住以巨款收买三兄弟其中一个,以出卖其余两个兄弟。。。。结果答应收巨款之后出卖其余两个兄弟既人。。。。。正是细佬我“颜家伟”!!! 搞到另外两个兄弟,一个走佬,一个入狱,我仲撬埋坐监果个兄弟既老婆跟我。。。。呢D甘奸既行为只系开始就已经甘啦。。。十八年后,其余两个兄弟返黎寻仇,同埋揾返自己既仔女。。。结果搞到好多风风雨雨。。。。都系我一手一脚做成既,你要怪就怪我啦。。。。
不过有一场戏我印象最深刻既,就系载左我老婆上山顶,拉佢落车,推佢扑到车头盖前,我除条腰带,然后鞭打佢,好多鞭,起码20鞭吖,鞭得好刺激添,难为我老婆,拍佢close-up既时候要佢做D比我鞭紧既反应,我企隔离睇,我老婆就响度“咦咦啊啊”。。。我鞭到凌晨3点几,老婆都“咦咦啊啊”到凌晨3点几咯。。。果晚之后至发觉原来我老婆甘“叫”得既喔。。。:P。。。。
唔讲甘多啦,讲晒你地咪唔洗睇咯。。。。
睇还睇,你地当睇我唔到啦。。。:P
P/S。poster 印错时间,逢星期一至五,傍晚6点,NTV7 。。。记住啊,你地见我唔到吖。。。。

9.7.09

新山有惊喜!!

上个礼拜去左槟城总选,相隔一个礼拜去到柔佛新山。。。未去之前,都惊惊地,惊场面晤够热烈,冷清清(事关之前都试过好几次啦,当我响台上讲野既时候,台下既观众唔超过10个,无阴公咯)。。。点知今次出付我想象。。。反应劲热烈。。fans满场都系。。。I mean 唔系我既fans,系D参赛者既fans… not mine !!! 哈哈哈。。。 不过唔紧要,好在有个参赛者上台自我介绍既时候话=〉“这次参加校花校草的原因是因为想见到辛伟廉 !!!!!!” 哇哈哈。。。嗱!我无因为佢卖口乖而加多D分比佢,虽然佢有机会黎吉隆坡参加半决赛 : P。。跟住最后上台同佢地握手既时候,佢近距离望住我,然后同我讲=〉William 。。。你很帅!。。: 8 。。。呃。。。搞到我个心有D“小鹿乱撞”。。。。咦。。。搞到我有少少做得成偶像派既感觉。。好衰架!! : P 哇哈哈。。。。唔好呕吖!!!!!!!!算啦,唔好讲D衰野啦。。。今次新山总选,女参赛者多过男参赛者,而且仲大部分都好靓。。。起码60%都睇得既,搞到我地D评判唔知点落手去拣。。。。最重要既系佢地D才艺表演都几得,我讲紧女仔,佢地除左一般既唱歌跳舞之外,竟然有人打跆拳道,飞脚踢板,而且打得相当有力。。。掌声鼓励鼓励。。。。男仔就较为弱少少啦。。。。老实话比大家知,其实我真系好唔中意D参赛者当catwalk系一种才艺!!想话比大家知catwalk唔可以当才艺用黎表现自己有几犀利(更何况我见过甘多个将catwalk当系才艺黎表演既参赛者,男男女女都好,无一个行得“正常”既)。。。所以我真系唔希望响跟住落黎既比赛见到有参赛者既才艺表演系“CATWALK”!!摺埋唔该 !!!呢个礼拜日,2pm,金河6楼,到吉隆坡区总选啦。。。大家得闲就黎睇下啦,睇下有无人“CATWALK”都好啦。。。好得意既,有D行到好似骑马甘,有D就好似有阴阳眼见到前面有野阻住去路甘,要行唔行。。。总之就好搞野啦。。。结论就系。。。好开心今次落去新山做show,真系令我完全改观,希望以后多D机会落去啦。。。

2.7.09

校花校草teen idol选拔赛--槟城




上个礼拜去左伦槟城,一个我好中意既地方。。其实系上去做个show,“校花校草”选拔赛。。都既enjoy既。其实成个show里面真系有好多好有样既俊男美女,起码谏到几个洛黎KL半决赛,有个参赛者个样有D似官恩娜 ,当然清纯过官恩娜啦,呢个女参赛者毕竟得个20岁。。。

仲有其中一个参赛者系我既fans,真架!! William san响槟城有market架。。仲收到礼物同一扎花。。仲有杯好苦既凉茶。。感动感动。。再次多谢你地D礼物。。不过扎花已经谢左咯。。不如下次你买盆可以种既植物比我更好。。我拎返黎我花园可以种吖嘛。。。几年后,棵植物大左,再影相比你睇,咪仲有纪念价值 。。。。。其实可以见到fans甘支持,个心真系会感动架。。

呢一趟去槟城除左做show之外,中特登去见个好耐无见既朋友,呢个friend呢,两年前无啦啦话去杜拜做工,一走了之,电话都唔见鬼埋,好在最后时下既FACEBOOK发挥左佢原有最大既用途,“寻人”,点知寻寻下又比我寻到佢去黎,结果坐左响条酒吧街度,揸住支酒,摆下pose。。。唔觉唔觉饮下饮下点知块面仲红过钟楚红。。。所以难得同甘耐无见既朋友影返张靓相都唔得,事关。。。细佬william 块面已经又红又肿,好肉酸。。。所以唔方便入镜,避免破坏我将要转型做偶像既后路啦。。哇哈哈。。。自己邏架黎刁。。。
不过唯一美中不足既就系我无吃到curry laksa。。。激气!!! 不过好在都去左两伦bkt tambum吃海鲜。。唔错唔错。。。真系希望可以尽快再去槟城吃curry laksa 同麻芝。。。
不过呢个礼拜系去JB。。。又睇下JB又有D乜野吃啦。。。到时间啦。。。南马的朋友,有空就到Tesco Tebrau City看看show啦。。。2.00pm。。。。 到时见!!

25.6.09

night ski...

夜晚滑雪劲好玩。。。劲大风雪。。。哎。。。有D挂住添。。。

24.6.09

好热既滑雪场。。Korea

岩岩睇返之前D video。。。试下PO上黎。。。第一次PO VIDEO,唔知得唔得呢。。。韩国。茂珠滑雪场。。。

22.6.09

我系我!!

上个礼拜,同班好朋友又去左曼谷。。好似成日都去曼谷甘。。。神心吖嘛。。。除左拜神,都仲去shopping既。。。不过无捻过会买甘多野者。。。
其实次次去亲曼谷都几乎住唔同既酒店,不过今次住得好“豪”吖!!哈哈。。我未住过果区,所以开始好似有D陌生,不过住落都既方便。。。住响第三十五层,好鬼紧要厉害高。。。唔系未去过甘高,只系未住过甘高者。。。企响个露台度,真系脚都软。。。。不过个全景好靓,夜景更加靓。。。

而且唔知点解,硬系觉得间酒店既床,“特别”好训既,真系训到唔想起身。。。呢间酒店真系一间可以好好差电既地方。。。唔怪得据闻郭富城同莫文蔚都系果间酒店既常客啦。。。因为真系正到dum dum 声。。。。哈哈哈。。。
行行下街都有人认得我仲叫埋william??哈哈。。好似好红甘!!都有D暗爽既感觉。。哈哈。。红到去泰国??发梦啦!!!其实曼谷都有好多马来西亚人游客既。。。好啦,唔讲呢笔啦,不过个话题都系我,无错,又系我william san,话说果玩,我地成班人都shop到脚仔都软晒,又好鬼热,于是就行入某间shopping mall度吹下冷气,入到去,听到好大声既live band音乐,一时好奇,就跟住D音乐去,咦,TOP SHOP搞party喔,(就好似呢度搞D event甘,个个盛装出席,时尚打扮,set头set到行晒甘)我地T-shirt短裤拖鞋,大汗叠细汗,块面好似搽左刀标油甘,好唔知丑甘行左入去,系甘拎人地D朱古力吃吃吃。。。。响呢个时候,我班朋友大家都一致甘大声叫我(因为现场好吵),佢地发现有个人好似我,好似我??佢地一指,随住视线望过去,竟然系一个响台上唱紧歌既泰国组合既吉他兼主音“女歌手”!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!你地睇下似唔似??????????????????我无眼睇!!

31.5.09

孤儿??你得既。。。加油。。




吚。。捻捻下,都好似好耐无update个blog。
近排虽然无排剧,但系都好似好忙甘,日日无时停,落左去新加坡饮喜酒啦,见下D朋友啦,去下银行办下手续啦,service下部车啦,开下会啦,饮下茶啦等等。。。听落好似好无聊甘。。哈哈。。。今日终于做左件好有意义既事啦。。就系“善事”。。哈哈。。。好多人觉得“艺人”去做善事系理所当然既,因为有D艺人去做善事一系就睇酬劳,一系就搏见报。。。哪哪哪,我两样都唔系,第一,我唔知有无酬劳,第二,响成个活动里面,我未被记者影过相。。。。首先澄清一下,我唔系“兰”伟大,净系觉得呢排得闲D,所以就应承去做。。真架,“我发誓”!哈哈。。。
其实呢篇野系想话比大家知道,得闲抽D时间去做善事,真系人都会开心D架。今日我出席左SPORTS TOTONATIONAL CHARITY CONVOY(多多博彩爱心传递走透透),我既任务好简单,就系陪D孤儿去TIMES SQUARE COSMO WORLD度玩机动游戏,好简单??一D都唔简单。。晨甘早爬起身就去玩呢D机动游戏,仲唔甩到你内脏都移位???我岩岩到既时候,已经有D唔系几舒服,因为唔够训,跟住再捻捻下仲要带住一班孤儿(因为我唔识凑细佬)头都已经standby紧痛。点知等等下,要开始做野既时候,我既头竟然无痛,去到COSMO WORLD既时候,我既心情竟然好紧张(因为我未去COSMO WORLD玩过,而且我好细胆架,唔玩得过分刺激既机动游戏架),个心卟卟跳。。哈哈。。malunya。。。。  。。。更紧张既时刻黎啦,当时现场分左六个细佬比我带,六个吖!!!晕啦。。。。不过好在,其中一个已经十几岁,识得帮手照顾D细既,而且D细既都唔系好得人惊者,好听话,叫佢地玩呢样就玩呢样,玩果样就玩果样,佢地净系有少少不满,原因就系----------------嫌我叫佢地玩D机动游戏太细佬,唔够刺激(事关我带佢地去玩“旋转木马”!!哈哈。。。我都觉得有D唔好意)结果佢地要玩碰碰车,我咪带咯。。。。。点知带左佢地去左三尺一下小朋友玩既!!原来仲有D系比“大人”玩既。。。。。。。。结果就带晒佢地去玩晒D大人玩既咯。。。。点知我就吓倒头晕晕,脚软软。。。佢地一D事都无。。哎。。。喳到!!
成个过程里面,玩得好开心,真系童心未泯果只,多谢佢地,因为我真系好耐都未试过玩呢D机动游戏玩得甘过瘾啦。。对上果次。。应该系十岁果阵响海洋公园呱。。。。
而且我仲发觉佢地有D都真系几生性,知道自己既身份,知道自己做紧乜野。。。有一个,十六岁,读到form 2 就停学,我问佢点解,佢话知道自己咩料,唔会系一个读书既好材料,于是我问佢以后想做D乜野,佢话电脑维修人员。。。我都吓倒,电脑维修人员??好正常喔。。。。佢话佢希望可以有机会去修读电脑课程,然后做电脑维修人员。。。。都算系一个理想既职业吖。。。。。。
希望佢可以实现呢个梦想啦。。。。。
玩左四个几钟,我要走既时候,真系有D唔舍得,因为佢地呢六个细佬,知道我要走,仲走左出黎走廊度,同我讲bye bye。。。。。可能佢地好难得揾到人同佢地玩得甘开心,倾得甘投契。。。。
我问负责人另拎左张card片,我捻我得闲一定会去探佢地。。。。我有能力我一定会帮佢地。。。。如果你地想帮呢班小朋友既话,都可以架。。。。。

Hong Leong Bank Acc : HOUSE OF JOY
Acc Number : 05700008314
Tel : 03-80704497
Website : www.joy.org.my

16.5.09

小娘惹




无鬼啦。。。今日讲下电视剧。。。我呢排拍完戏,做完手头上既野,可以轻松D响屋企打趸,煲下剧。今次煲既竟然系一部新加坡新传媒既剧!!!点解我会话“竟然”呢??一路以黎都无乜追新加坡剧既我,硬系觉得吾知争甘D咩甘。。。艺人吾够大牌?华语吾好听?演员吾识演戏?制作吾够认真?剧本吾够好?我吾知,亦都吾系好想讲。。。。。(原谅我都系呢间公司既艺人)所以无果种去“追”既冲劲。。。。
但系我紧排睇左一部好值得去睇既剧。。。无错。。就系“小娘惹”啦。。。相信我身边既朋友屋企人都知道,因为我极力推荐呢部剧。。。
好??点解好??因为好咯。。今时今日睇戏吾系净系睇故事同演员既演技,系睇全面既。故事,导演,演员,服装,场景,道具,灯光,剪接,配乐。。。。等等等等。。。“小娘惹”全部有晒!仲可以学到好多娘惹既文化同态度。。。。
(一) 故事,参到无论,主角一生人比人虾虾霸霸,无好日子过,一波未平一波又起,真系死左去好过。但系我身为观众,就系中意睇呢D点样可以扭转命运,委屈中求存,差D要死,但系又可以企返起身。所以做观众好矛盾,好犯贱,哈哈。。。
(二) 导演,一部戏既灵魂人物,一部戏好吾好,就要睇导演用心既程度去到边。我吾系导演,吾识导戏,但系应该识睇呱。。哈哈。。呢部剧,每个镜头都好“有力”,“有力”我吾识解释,个意思就系,当你睇到每个shot,每句对白,心里面有个感觉“够”,就转去睇二个画面,岩岩好,吾会太多吾会太少。。。感觉好好。。好欣赏呢个导演,希望有机会同佢合作。。
(三) 演员,任选系好重要既一环。呢部戏基本上95%既演员都好劲好够火候,唯独是“最主要”果个。。。。名就吾提啦,你地自己去睇啦。。。所有配角都好好,好羡慕亦都好开心见到一D好朋友有一部甘成功既作品。响度更系要赞下我既good brother啦
Zzen演既Robert Zhang,够贱够狠,Zzen既眼神里面,真系有呢种“火”响度,岩岩好。。。(吾知系咪佢既样根本都戏甘呢)哈哈。。。
第二个系许美珍演既秀娟,虽然吾系主角,戏份吾多,但系吾知点解好期待佢出场,可能呢D就系佢既魅力所在呱。佢既样,再加上一身惹火既打扮,正系角色既需要,100%吻合。。。而第三个就系工人“啊桃”,演得好活泼好生鬼,无揾错人。。好想认识佢本人。。嘻嘻。。。
(四) 服装,靓到Dum Dum声。老实讲,娘惹本应就出现响马来西亚,似好熟悉,但系又吾系太了解。D衫有D似马来衫,但系就硬系觉得靓,就系靓,可以着出女性既线条美。再加上D首饰,我捻应该都系坚野黎,因为无论系质感同视觉效果都“一级棒”!!!
(五) 场景,睇得出有D系实景有D系studio,但系仿似度极真。可能一路以黎我好中意D娘惹建筑,D家私等等,觉得好吸引,好有味道,个个部分既装修都好细致,金碧辉煌,够晒霸气,净系睇个场面就够咯,靓到无法形容。。。不过就有D恐怖。。哈哈。。。如果一个人响甘大间屋,真系有D惊!!!
(六) 道具,撇开所有野,净系讲食物,睇到都想吃,又可能我好中意吃娘惹菜(因为我成日去Damansara Perdana果间“Mum’s Place”度吃,正!)所以见到剧里面既煮餸既场面,特别好胃口。正餐又好,nyonya糕点又好,我都流口水。。。嘻嘻。。我捻D道具食物应该都系坚料黎,如果我有分拍既话,肯定变肥仔。。。甘好吃,肥都值得啦。。。
(七) 灯光,D灯光打到D背景靓到。。。。。。。。。不过studio景我嫌佢硬得滞实景就黄得滞,但系可能甘至靓。。。嘻嘻。。。我吾识打灯,sorry,我只系比D意见者。。。不过整体黎讲,就系靓!
(八) 剪接,所以你地话吖,导演要专心拍戏,拍完仲要专心剪接,剪到shot接shot,mood 接mood。当部剧播出街既时候,导演已经戴紧假发咯。。。。掌声鼓励,多谢导演比到我地一部甘精致既电视剧。。。
(九) 配乐,每到一个感情位,激涨位,兴奋位,抒情位,都会有一D好适合既俗称mood music出现,去jit你D眼泪出黎果种。。。不过我就嫌呢部剧既配乐稍微弱左DD,DD者,吾大问题,问题可能系果个主要演员未去到可以令观众流泪既功夫者,吾关配乐事。。。
(十) 少左我。。。。哈哈哈。。。。老实讲吖,能够参与一部甘既大制作,做演员既,一定要去到尽,吾好再困响自己既框框里面啦。。。
我讲完啦,我捻系最长既一篇blog啦。。。我讲到甘辛苦,你地仲吾快D去睇。。。。。

15.5.09

地狱旅行团。。。

鬼鬼鬼,仲系甘中意睇,吾写啦。。写晒出黎就无神秘感啦。。。呢D野要你地慢慢慢慢去发掘身边系咪会出现至好玩架嘛。。。教你地一招啦,J君教既,想知道你隔离系咪有(你既守护天使),正当你上紧网,望住个电脑荧光幕既时候,你要以最快既速度突然间打开双手(大字型),如果你感觉到双手冰冷既感觉,就即系打到“佢”,穿过“佢”。。。如果无咪即系无咯,可能吾响你隔离咯。。。
果日上左去怡保,揾个朋友出黎吃饭,巧合地遇见自称系司徒法正师傅既师叔(即系司徒法正师傅既师傅既师弟),不过我无见到佢,因为J君同我地一齐,避免惹上不必要既麻烦,所以无去望佢一眼。据我朋友讲,呢个师叔对脚,膝头以下,小腿位置都已经变成黑色,事关多做法事,超度,直至到好多冤魂扯住佢对脚,要求佢帮忙定期他事,所以无病无痛,对脚都黑晒。。。听讲师傅有响怡保举行“地狱旅行团”,可以落地狱见识下,听讲落去会见到D所谓传说中既野,譬如“勾脷根”,“落油锅”,好多好惨情残忍既酷刑,有D人又话可以见到已故既亲人朋友,有D人又话落完去上返黎就会好好甘做人,为免以后落去受罪。。。好多人想参加,每凑够七个人就可以成团,免团费,免团费!听落底到烂,依家竟然有旅行团免费??仲吾快D去报名??passport过期都吾紧要。。哈哈。。讲就易者,比我就吾想去啦,无错,我系好好奇,相信每个人都有好奇心,你地都有,不过试问有几个人真系可以甘有勇气呢??之前睇D人参加怪谈敢死队,我都已经“律”到手腾脚震,吾明白D人既勇气来自何方。。。。。
揸住支香,蒙住对眼,跟住个导游师傅,行下行下,甘就落左去,万一落左去,上吾返黎甘点算吖????

3.5.09

綠。。。幽灵??

久等啦,哈哈。。近排频频开工赶戏,所以无时间写update blog,sorry sorry。。。依家都未拍完架,不过听日最后,之后就收工大吉。
鬼?灵体?定系天使??只要你吾介意既话,都未必系一件坏事黎既。上次已经讲过,你身边果只,睇佢系好定坏者,如果坏既,佢就会侵入你既思想,令到你去做D负面既野,即系坏事,例如,心做事,设计阴谋去害人,布局去厄人钱,想一脚踏两船,又或者成日都有D负面思想,成日捻住身边既人都无个好,个个都想害你,搞到自己想去自杀,(讲到自杀,顺便提下大家,如果你自杀既话,系吾会轮回既,即系永远永远都响同样既时间同地点做同样自杀既方式)如果你身边个只系好既,甘咪好咯。。
话说我呢个高人朋友(J君),有次佢见到我一个朋友(K君)既面色吾系甘好,眼带血丝,无黎神气,就捻住过D气比佢,握住对方既手,就过气啦,过完之后,J君上我车,咳左两声就问我:你朋友系咪养鬼仔吖???我比佢呢句说话吓到,因为K君系一个神婆,乜神都拜,乜庙都去,只要有人同佢讲某样野对佢有帮助,佢无论几多钱都会比。响我脑海里面,净系担心 K君比人厄左都吾知,明明系尸油同佢讲系神油佢都会信。之后我地去到另一个地方饮野,再问清楚K君。问完一大轮之后,K君都话无养鬼仔同埋应该无比人厄,之后J君问K君,你屋企应该有样野系吸紧你既气,搞到你无神,“J君系未去过K君屋企既”,但系叫K君返屋企揾下,睇下有无一旧“少少三角形,深色,表面一癃癃既石头类型既野”果样野吸你既气吸得好劲。试问如果自己听到呢翻话,返到屋企又点训得着呢?K君返到屋企,点都捻吾起有旧甘既野,完全无印象,直至到第二日朝早,一下捻起,真系有旧甘既野,“少少三角形,深色,表面一癃癃既石头类型既野”摆左响一个水晶洞里面,即刻揾出黎,用电话影张相,mms比我,我就call J君,问佢,我都未讲完,J君就已经话“系”,仲千吩咐万吩咐William,你千其吾好掂呢旧石。。。吓到我连睇都吾敢再睇,仲即刻delete埋张相添,搞到无得比大家睇添,sorry sorry。据说,呢旧石,系有灵气既,不过对人系极度不良,会吸晒你D元气,搞到你双眼无神,仲会头头碰着黑。呢旧究竟系一旧乜石呢??点解K君以前用八百蚊买返黎呢??
佢就系一旧,好多人都有既。。。。。。。“綠幽灵水晶”

12.4.09

更有一只响你隔离(encore版)

人往往都系犯贱既(我都系),越系惊就越想睇,上一遍讲到好似好刺激下,好多朋友call我,要求我快D update个blog,嘻嘻,放心啦,我呢排冒住生命危险同呢个朋友一齐,遇到既野当然好多啦。。。
话说某日,我同呢位朋友约埋卓卉勤and friend去吃野,大家都知道佢算系半个高人,于是就带佢去另一位高人(仔哥)开既大炒档度吃野。一落车,礼常往来,同高人老细仔哥握手打个招呼,通常凡人都会系先自我介绍,然后倾两句闲计,但系当高人遇着高人既时候,原来佢地既第一句对话会系。。。。
“你有几多只?”。。。
“一只,你呢?”。。。
“两只,头先你一落车我就见到跟住你落车咯”。。。
原来一路以来佢个只都跟住我地,坐埋响我部车度。。。其实每个人真系会有一只响你身边,系睇佢强定弱,好定坏者。。。
个大炒档系位于sungai besi与河清园交界处,成个晚饭时间都系同仔个倾佢D个人经验,仔哥真希天不怕地不怕,公然甘讲到大大声,而我朋友就越坐就越吾舒服,时不时都企起身,扮扭下腰,好似申懒腰甘,又拍下自己膊头。。。
我之前都无乜留意,净系觉得佢“应该”吾系甘舒服。。。原来响仔哥公然甘讲“吖飘”D野既时候,响我地身边已经越黎越多,有D搭住佢膊头(所以佢申懒腰又拍自己膊头),有D坐响我地隔离,佢仲见到有只响度跳楼添,一野哒左落地。。。总之我地成晚就坐左响度听故仔,而佢就成晚坐左响度睇住呢D野,甚至睇住呢D悲剧从演。。。
大家都知道旧区系会有好多呢D野,所以见佢甘吾舒服之后,就即刻仔哥讲bye bye,离开大炒档现场,(我当然要载埋佢既“朋友”啦。。我有得谏咩?)去café饮野。到café ,泊路边,落车,坐底准备order,卓小姐突然要去厕所,我朋友陪佢去,净返我一个坐住等佢地返黎。奇怪既事发生啦,呢铺吾到你吾信啦,当卓小姐要入女厕之际,我朋友突然同佢讲:小心“线”亲吖。。。卓小姐一开门,见厕所既地面岩岩洗完,湿湿地。。。自己唯有小心咯。。。卓小姐心捻,吾通系佢果个“朋友”透过佢话比自己知?? ? 我朋友话,吾系我果只,系你果只,你果只话我知你应该会“线”亲,但系佢同你讲你又听吾到,所以叫我提醒你吾好线亲。。。。!!!!!!!
相信大家都知道之前卓小姐比电视机擲到头件事,我捻电视即将要擲既时候,佢果只叫到喉咙爆佢都听吾到,结果搞到入院联左十四针咯。。。
所以,更有一只响你隔离,咪当系你既“守护天使”咯。。。
p/s:我朋友亲手影到好多佢“朋友”既相,但系始终觉得吾po上黎好D,我睇过D相,我觉得。。。。。真系吾可以比大家睇。。。吓到就无畏啦。。。

30.3.09

更有一只响你隔离既。。。

相信好多人都听过有阴阳眼既人所讲既“果D野”系点既。例如话。。半透明既,无脚既,吾颜色既,黑影黎既,长头发既。。。。等等等。。但系我识既阴阳眼朋友,佢所见既系。。。。同人无乜分别,即系话,连佢自己有时都分吾出边D系人边D系鬼。。。因为见得太清楚啦,仲以为系人。。。。佢话初时见到野既时候都吾觉有D咩吾妥,有次凌晨同一个朋友一齐入lift返屋企,lift一开,佢就好吾甘愿甘同佢朋友逼入部lift度,事关太多人,当部lift上紧楼既时候,佢就好吾高兴甘自言自语“甘夜仲甘多人,都吾洗训既”。。。。佢朋友听到已经面都青晒,因为其实部lift得佢地两个人者。。。。
仲记得果日,我地三个人去饮茶,我,一个女仔同呢个阴阳眼朋友,三个,坐底,四方台,好似三缺一甘,倾计倾计。。。。通常讲讲下都会讲到“果D野”既话题(因为大家都知道佢见到),讲讲下,佢突然间话:吾好讲住,吾好讲住,讲第二D野。。。。。。于是我地就讲第二D野。。。直至隔离台既人走过黎问“hello,张凳有无人坐架?”佢即刻话无。。示意张凳可以拎走。。当个人一拎走张凳既时候,佢话头先只野坐响度一路望住你(女仔朋友)。。仲靠得你好近。。。原来我地一到步,落车既时候,只野就一路跟住个女仔朋友直至到坐底饮茶倾计都一路望住个女仔。。。。但系张凳一拎走就吾见左。。。。其实周围都有。。佢地都系敌不动,我不动。。。哈哈。。好戏在后头,饮完茶,凌晨一点,正常地送个女仔返屋企,亦都正常地女仔会惊,甘我地非常之正常地送佢上楼,高尚公寓,有card “did”至入到,又到入lift啦,三个人,你望我,我望你。。。lift门开,到左,佢话要送到个女仔开门入屋,甘咪送咯。。入完屋,到我地落返楼走啦,我忘记头先系G 定系LG ,甘我笃G,开门,出埋闸,至发觉系泳池,好黑好大好多树好阴。。。出闸后入吾返去因为我地无card,唯有响泳池附近揾出路,越揾越惊,因为环境好恐怖,太多树太黑,佢未去过,但系去不断带我路行,一路向返方向行,我觉得好奇怪,我话:喂,行错方向啦,门口应该响后面。。佢话:你跟住我行就岩架啦,行啦。。。我唯有跟咯。。。跟跟下,佢突然停底,回头望响我后方,之后话:行果度啦(我头先所讲既位置)。。。结果call 返果个女仔朋友落返黎 “did”我地出返LG。。。。。终于上到车啦,佢先至话:头先好多。。原来一开始送个女仔上楼既时候已经有一只跟到女仔门口,所以要送到门口我地至走,因为我有戴住佛牌,所以会安全,之后落到泳池仲大镬,有好多,揾路出既时候我所讲既方向系正确既,但系有好多只跟住黎同埋顶住个出路,避免我见到或者撞到,所以佢一路话反方向。。。。。麻烦你吾好话比我听D野有无跟住上埋我部车吖。。。。。。。。。。吾睇好过睇,吾知好过知。。。。。。。。不过点都好啦,更有一只响你隔离既。。。
特别报告:当你耳鸣既时候,切记,吾好开衫柜同埋照镜!!

21.3.09

城市恐龙之开心人


“人”真系有好多种既,有好有坏,有单纯有复杂,有笑骑骑有面噥噥,有开心乐观有绝望悲观,有攻心计阴谋有乐于助人,有黑白有彩色亦都有灰暗世界,负面思想正面思想等等等等。。 。我做左甘多年人,都好似从未真正认识过一个“完全正面思想,永远活响彩色世界,无机心,乐于助人,面上成日带住笑容,耳边经常传黎笑声既开心好人”。。。好似讲得佢好好甘,可能对我黎讲佢真系算系一只城市恐龙。你地都可以捻下自己身边有无一个甘既人出现过,为你地烦躁既思想暂时放松一下。。。有既话,不防多D接触,吸收多D正面既能量,真系排毒美颜保健养身吖。。。。
呢个人,我相信有可能系上天派落黎凡间赐给凡人开心与快乐既天使,往往以自己既“论尽”而构成既笑话同大家分享,哈哈,佢自己D笑话,我捻讲几年都讲吾晒吖,因为佢真系一个好“论尽”既人。。。。因为车祸,佢既头同手都做过手术,十只手指都比车门夹断过,最经典就系---曾经住过既屋,因为天花板上面既水箱爆裂,搞到成间房都系水都吾紧要,同埋一齐跌落黎既乌鸦老鼠既尸体,附送尸虫。。。成张床吖书台吖,都布满尸体同尸虫。。晕啦。。间房仲要得既?? 甘多甘黑仔既野发生响佢身上,佢都可以表达到好似事不关己甘,当笑话甘话比大家知,佢仲讲得好开心添。。。搞到我好耐都无笑到飚眼泪啦。。。
其事呢个世界应该多D好似呢D甘开心既人,就吾会甘冷漠无情咯。。。
呢D甘乐观既性格,细佬真系要向致敬,亦都要向你多多学习至得。。。
希望大家比D心机去揾呢D城市恐龙,包保你日日都甘开心,开心就自然少D病痛。。。
多谢恐龙。。。嘻嘻

10.3.09

一棵会开花的树。。。






礼拜一,大好日子,宜嫁娶??ONE FM掂,竟然捻到甘既桥将自己台既DJ嫁出去。。“Jane心Jane意”,帮Jane揾“Jane的汉子”哈哈。。
佢地将Jane做礼物再加RM1000现金奖,参赛者要以才艺黎吸引Jane同评审既目光以赢取冠军头衔,冠军就可以同Jane行街睇戏吃饭唱K直落。。我??更系做评审啦,不过甘样既评审,我都系第一次做。。 哈哈,呢家八卦野岩晒我啦。做过甘多吾同比赛既评审,对于一般参赛者既才艺表演,都吾乜点期待同渴望佢地会有突破性既演出,通常都系跳下舞唱下歌,但系今次都几特别,因为有条友仔竟然“吟诗”,个tittle仲好鬼搞野,叫“一棵会开花的树”。吟诗已经好特别啦对我黎讲,再加埋佢一副无乜表情既样先至最掂。听晒成首诗先至知道点解佢无表情,因为佢吟既系一首佛诗,试问我地又点会见过和尚吟佛诗要七情上面架。。。 所以呢位仁兄就一于我吟我既诗,你睇你既show。。顶瘾顶瘾。。不过。。。参加呢个游戏,应该系要出尽法宝去“霖女”,吟D霖女诗都话OK,但系吟佛诗黎霖女就真系有D奇怪。。罪过罪过。。。点都好啦,玩游戏者,开心就得啦。。。不过好可惜,冠军吾系呢位吟诗四眼仔,吾紧要啦,因为你已经响我地心目中留下好深刻既印象啦。。。善哉善哉。。

2.3.09

四十几???



好耐好耐好耐无写D野上黎啦,又系好似好忙甘。。。其实吾算好忙既,就系因为吾忙,所以无野写。。。哈哈。。呢排都系做D湿碎D既野,同工作无乜关系既。。。不过。。。话口未完,依家开始又有野烦啦。。事关接左部新戏,呢部新戏可以算系我入行甘耐,最富挑战性既角色,就系一个“老”奸巨猾既富豪,仲要有两个二十岁左右既仔女!!!!我晕啦。。。。。。。
好奇怪,吾知点解,男演员要做一个比自己实际年龄细既角色,比人既感觉会有少少牵强(似乎年龄既距离有几过分啦),当要演一个比自己实际年龄大好多既时候,就会觉得好滑稽。。好似偷老豆D衫黎着甘。。。
我未整过容,但系今次要装好多假狗上身,例如要痴“pat”假既二撇鸡,绑件肚兜假肚腩,将D头发蜡晒上去gel到好似头盔甘硬。。“近搞笑”。。。。
最搞笑都莫过于放吃饭既时候,原来装晒一身假野,好多平时做到既野都会变得做吾到,就系吃老麦嘞。事关一抹大个口捻住塞个汉堡包入去既时候,假鬚就会扯住D皮然后一忽忽甘脱落,都几痛架。。。仲有,原来大肚腩既男人疴尿既时候系完全靠感觉而吾洗靠视觉既。。。哈哈哈。。。
甘样既装扮,要拍戏的確系有D辛苦既,但系胜在剧情够吸引,所以都做得好过瘾。。哇,好押韵吖。。哈哈。。不过我敢担保,我四十几岁既时候,肯定吾会好似甘既look。。。

我偷偷影左再po上黎比大家睇啦。。。