w i l l i a m s a n + B L O G

我?坦白直接..所以咪成日比人鬧咯..

不過我都無理佢地,因為我覺得鬧我既人通常都係吾接受現實至會鬧我者...

30.7.08

擺明HARD SELL !!


辛伟廉 眼镜玩家 进军商界
多方位艺人辛伟廉“玩”心大起,进军商界推出充满趣味的“Eye Player”眼镜玩家,势必要打造另一番“大事业”。这次和Tag Eyewear的合作,辛伟廉除了自己担任代言人外,眼镜的设计也是出自他“手笔”,他希望可以藉此带动眼镜潮流,成为时尚配搭。
“Eye Player”眼镜玩家,顾名思义以“玩”为主要目的,以“色,型”为重点。辛伟廉觉得现时的潮流,眼镜已成为了一种流行装饰品,而不再是近视者的专利品,眼镜可以配合服饰作出不同的配搭,得到更好的效果,因此他所代言的眼镜都是以“色,型”来分类,希望可以让每个人的打扮更出“色”,更型。
辛伟廉这次有机会与眼镜公司合作,发挥自己的设计才华,一切都是机缘巧合。较早前Tag Eyewear有幸成为以眼镜公司为主题的電視劇《愛在你左右》电视剧赞助商,而担任男主角之一的辛伟廉,则在剧里饰演一位眼镜设计师,有多个戴眼镜的造型,让老板看了后感到满意,所以就有意找他合作。
在电视剧拍摄完毕后,双方便开始商讨合作事宜,为了比一般的代言更有意义,辛伟廉决定亲自设计,对于服装设计系毕业的辛伟廉来说,这是一项非常新鲜的尝试。辛伟廉花了半年的时间设计和绘图,而后就决定采用六款设计最特别的“Eye Player”眼镜玩家,同时他也参与了其中的投资,成为小股东。首次进军商界他笑言,可以和眼镜商分担销量紧张,亦让他有更大的参与感和责任感。
“Eye Player”眼镜玩家从设计,包装,价格定位,到宣传都由辛伟廉一手包办,他还找来城中著名摄影师为他拍摄这一次的宣传海报,可说是尽心尽力。“Eye Player”眼镜玩家已开始在全马推出,而且还会外销至新加坡及泰国。
*多謝各界人仕支持,第一批已經賣晒,第二批八月出街啦...

28.7.08

好新既得人.好得既新人




呢幾日天下太平,過得安枕無憂,響我生活當中應該算得上係好事黎既.不過人係犯艱既,無風無浪既日子,硬係覺得悶,不過又吾係平淡到呢個地步既,只係D芝麻綠豆既事吾想寫者.不過都有單幾開心既case想同大家分享下既,就係細佬唱片公司既同門師妹chervie何憶文既專輯得到各界人士既支持,已經收到repeat order既訂單啦,真係可喜可賀,試問今時今日馬來西亞華人歌手有幾多個有repeat order既訂單呀...我絕對吾係響到幫chervie宣傳,而係我真係覺得佢係真係掂既.事關由我岩岩識佢果陣,佢真係勁肥既肥妹,成七十幾八十公斤,為左可以出唱片做歌手,而修身減肥變成依家四十幾公斤,單憑呢份毅力,我就已經佩服佢啦.好多人都好好奇究竟佢點減咧,朝早五點幾起身,去gym跑個幾鐘步,然后返工(朝九晚五),放工之后又去gym度健身join class做yoga,body pump,勁踩單車一個鐘burn 900卡果D,之后就返studio練唱...係每日重復做同樣既野,你得吾得呀?我就自問吾得啦...有次仲勁,你有無听過跑步跑到腳流血都仲要繼續跑呀?就算係受左傷都要繼續堅持果份熱誠,絕對吾會為左少少事而放棄...響依家呢個社會已經好難再搵到呢款人啦,依家D后生仔女,做事無樣野上心既,舉個例,有D拍過幾場戲做K,又或者贏過一D電視台既比賽,就已經覺得自己好紅好多人認得佢,工作既時候又吾認真,教佢野就凈係識得噢噢噢!教十次就噢十次,噢完之后都係做返同樣既野,究竟係你底,又還是你已經覺得自己高人一等咧?真係...哎...吾想提啦...講返chervie 啦,佢筆竟係一個新人,好多野都吾係好慣,但係佢對唱歌好執著,好努力去學D自己吾識既野,重未放棄過,就好似佢D歌甘,雖然係口水歌,但係要唱出自己既風格同擺脫原唱者既唱法,都幾難架.至起碼我擺佢張cd響車听都未捻過要換歌听住,證明D歌係掂既,我絕對吾係刷鞋...的而且確係幾好听既.希望大家可以支持下呢個“得”既新人啦..記住佢既名叫Chervie Ho 何憶文 My Love Story ...

22.7.08

愛心encore...




愛心encore?之前四川大地震籌款活動已經舉辦過好幾場,甘細佬亦都有出席,真係希望大家有錢既出錢,有力既出力,甘細佬錢就吾係好多都出左少少,力就應該仲有幾多既,唯有盡力啦.做善事真係可以好開心架,一來積返D福,二來可以睇到大家無分彼此一齊做好事.前晚出席左個“世間溢愛心”既籌款活動,其實呢個活動係A台一個製作人“私人”出黎攪既,絕對無台同台之間既沖凸利益,可見得佢全心全意為左做善事,細佬都一定去到盡幫手.所有藝人唱歌既唱歌,幫手拍賣既拍賣,個個都盡力將自己既專長做到最好,我既專長?咪死凈把口咯..哈哈..甘唯有係拍賣啦,拍賣咩咧?拍賣一棵樹!係水晶樹...響我拍賣之前,我國羽毛球國手李宗偉已經拍賣左佢枝球拍,國手呀,難免都會有D壓力既,我捻到藝人拍賣點會有人要呀,事關成街都話係藝人,人地都未必識我,點會比面我賣果棵樹返去喔...底价三百,舉一次手五十..(咪住先,甘幾時至籌到可觀既錢咧)橫掂都係咯,一於攪大去,舉一次手一千!!!哇!想死咯!!我講左出黎都有D驚架,驚賣吾出我就可能要自己啃架啦.正所謂“為善不甘后人”有兩位人兄為左細佬棵樹,係水晶樹而願意競投既,一位係國手先生,另一位係新聞報報看既主持何海其既姐夫(我吾小心問佢係咪佢daddy,死無....sorry sorry姐夫先生,其實你睇落真係好后生架).結果係由一邊吃菜一邊舉手競投既國手先生以三千八奪得既(之后我叫佢上台令獎既時候,佢將棵菜響個口到“猛”返出黎,大家無眼福啦,因為得我見到國手“猛”菜呢個畫面者,哈哈),多謝晒好得意既國手.至於啊姐夫先生,對吾住呀,不過我捻你去聚寶軒都可以以三百蚊買到棵一模一樣既樹既.

20.7.08

偶像呀...




今日岩岩出席完某雜誌舉辦既頒獎典禮,細佬竟然有份令獎哦.坦白講丫,我開頭真係吾知自己入選呢個男演員獎架,直至到個朋友打電話比我話我知,先至知到.
響呢行甘多年都未試過有D甘既頒獎典禮頒比馬來西亞電視劇既藝人,依家呢個年代,唱歌既獎項就成日听到,電視劇既就真係第一次(二十世紀既時候好似有舉辦過,但係果時我未出黎撈).
頭先去到現場既時候,見到好多藝人,個個都盛裝出席,真係好似擺酒甘款,我捻最casual都非我莫屬啦(吾好意思,因為我捻到個頒獎典禮響金河做,著到好隆重好似有D怪).
見到好多依家“興”緊既藝人(大部份都係好后生既偶像),而且該雜誌D讀者大部份都係好細既學生,我心捻,我呢個老野都吾方會有份架啦(其實吾係我老,係佢地后生者!!!哈哈).頭選既方式係靠讀者既sms,由于D讀者甘后生,通常都會頭返現時“興”緊既偶像,哎...甘有點會有我份咧?我又吾夠佢地靚仔又吾偶像,呢埔都係去擺多架啦.咦!奇積終於發生啦,最佳男演員銅獎竟然叫左我既名上台令獎,老實講,當時真係有D傻左,雖然係銅獎,但係叫我名就真係有D嚇到咯...結果我上左台,要多謝既都多謝晒,之后拎左“舊”好重既玻漓返黎.哇,一拎完獎就即刻走人,事關要趕住去練舞獅(因為新劇講舞獅).我就甘走左去,如果響香港又或者台灣,實比人話因為拎左個銅獎拎吾到金獎而罷去慶工宴...不過....呢度係馬來西亞.
拎到呢個獎其實都有D暗爽既,估吾到自己都可以算係塞到入去“偶像“既行列.哈哈哈哈哈哈.細佬響呢度多謝曾經幫過我既人(而害我果D我永遠都會記得既)哈哈哈哈
希望下次令獎吾會係令最佳甘草演員啦....(因為做偶像爽D!) thank u thank u ...

16.7.08

怪談...

呢排好似好得閒但係又無乜出去逛,日日暱響屋企煲碟,煲乜戲?其實係煲節目...“怪談”...呢個節目係香港有線台既一個靈異節目黎既.節目有好多種,但係好多都做吾耐,因為D橋無晒,唯獨是靈異節目就長做長有.事關D觀眾係非常之鍾意自己嚇自己既,我係其中一個好例子.
鍾意睇呢D節目既人並吾代表你迷信,不過寧可信其有,不可信其無.就好似細佬甘,吾知幾時听人講過當你入住一間酒店既時候,入門之前要敲敲個門,意示我黎借宿者並無惡意既.跟住吾好將D濕毛巾掛響個衣柜里面,因為用易聚陰,訓前要將D鞋反轉一只,同埋最好係著D橙色或黃色衫入睡,甘就應該就無甘容易撞野,仲有仲有,check-out果日當你正要離開房間既時候,千其千其吾好同同房既人大講“好咯,行啦,我地返屋企啦!”呢D野我都照做,就算你話我迷信都無計架啦,我只係避免有事發生者.
我听過會令我一住酒店就會捻起既故事,非常恐怖.話說,有兩個記者去台灣做野,住同一間房,有一日,其中一個就響廁所度沖涼,通常D熱水既蒸氣都會整到塊大鏡矇晒,好正常,但係鏡上面若隱若現出現D字,寫住“敏敏,我愛你”,初時個記者以為係上一手既住客情到濃時用唇膏寫低D甜言蜜語,唇膏有油漬,抹吾淨者,依家遇到蒸氣又出現甘解者...所以佢都無擺響心到.直到check-out既時候,佢同另外既記者講左聲:“好咯,行啦,我地返屋企啦!”...返到吉隆坡都無乜事發生.自小父母離異既佢,同妹妹跟左啊媽住,即係成屋都係女人..直至到有一日,佢響外面做緊野既時候,發覺有D文件留左響屋企,捻住打個電話返去比啊媽,叫佢幫手搵下,電話響左好耐,之后有個男人接听個電話,個記者心捻,屋企呢個時候無可能會有男人響架喔.于是個記者就問個男人:你係邊個?男人話:我係敏敏!記者又問:邊個敏敏?你點會響我屋企架?男人話:上次響台灣酒店度你叫我跟你返屋企架嘛...

11.7.08

髮型界盛事..






尋晚出席左個晚宴(好似好忙甘,成日都要出席好多宴會甘),應該係全馬最大型既髮型界盛事(L'Oreal Colour Trophy) ,雖然我好似吾係甘關事,但係死人都去出席下呢場大show啦...無錯,我選摘係岩既,當晚既場面好“虛憾”,有成千幾二千人,個個盛裝出席,舞台燈光音響都一流水准,真係好耐無睇過甘正甘大型既show啦.有好多時尚界既名人都有出席,亦都見到好多friend,因為之前我都拍緊劇,完全無時間出席好多event,個個friend都以為我失左蹤..:)
頭先都有講過場showD音響燈光都好好,個舞台長到我捻D model都會行到腳軟,什至行到邊,D燈著到邊.我甘岩坐左響舞台既正中間,D音響簡直係環回立體聲甘,事關D節奏震憾到我既弱小心靈..場show可以講得上係好好睇,因為有好多“騎哩”既髮型,細佬真係好佩服D髮型師,可以將個頭set到幾尺高,不過我最佩服係D model,佢地由晏晝開始就要set個“騎哩”頭,一路頂到夜晚,仲要化行妝著埋D好勁既show衫,呢D錢真係吾易賺呀.不過我相信當晚有好多人無論幾辛苦都好,都有好大既滿足感既.因為佢地甘辛苦,攪緊腦汁捻D甘有創意既髮型出黎,都係希望可以得到其它人既欣賞同埋認同,佢地真係做到左!
如果馬來西亞華人演藝界有D甘好玩既show比我地去過下隱就好咯.

10.7.08

“上等人”...

其實細佬都有成日出席好多宴會,有high‭ ‬class‭ ‬既又有Dlow class‭ ‬既,亦都有好多機會見到D所謂既“上等人”..其實響我六月寫既“一樣米養百樣怪人”里面仲未例入呢一欄..因為實在太多怪人啦.
案例1)我曾經去過一個響六星級酒店舉辦既某珠寶展,著晒西裝打晒煲汰,成身緊到似機械人甘,再加上我又餓到七彩,一心捻住去吃D六星級既野啦.結果等左好耐至出道主菜,就係一個好大既碟(大概一尺半直徑),上面擺住一粒勁細既帶子,仲有D生菜做伴碟,好靚..由於我餓到七彩既關係,我一叉就將成粒帶子擺左入口,二十秒之后就吞埋落肚,就甘吃完道主菜.我望返隔離個啊嬸(應該係闊太,但係個look好村姑),佢將粒好細既帶子切成八份,然后逐件擺入口慢慢嚼,跟住望下我,微笑點下頭,問我D野係咪好好吃甘意思,我更係即刻變返上等人既口吻話:yes! great ! fantastic !
案例2)一個朋友既朋友,佢好鐘意響人面前表現佢好有米.佢絕對吾會去D大排檔吃野,一定係要去D高級餐廳standard既地方吃,甘我更係扮好奇問佢點解會驚去D大排檔吃野既甘啦,去話一見到果D吾干淨既地方就想嘔喔..(但係身為馬來西亞人應該都慣啦係嘛)sorry ,可能我cheap,吾應該怪佢..呢條友仲有件瘀事,佢一向都以名車代步,四十幾万左右啦,有一日佢話比人搶車,對方用刀協持住佢,所以比人搶左.本應我地都覺得好陰公下,無端端無左部車,無幾耐,我遇到個朋友做托車既(同銀行托D車住幾期無供D車既托車人),甘我就口痕問下佢有無托過條友仔部名車啦,點知佢話:有!
案例3)有個朋友,佢好想做藝人同做名人,所謂既celebrities.佢幾有錢既,因為佢啊爺留左一大筆遺產比佢,不過佢無好好甘利用呢筆錢,亂甘fing,一口氣買間九十幾万既屋,再用一大比去裝修,幾部名車,買名表,買名牌衫(仲話衣柜里面“所有”D名牌衫一個月換一次)...因為本人覺得佢未係有錢到可以講呢句話既人,都就快四張啦,可以稱得上一事無成.听講有次佢媽媽有事入院(糖尿病据腳),佢居然比媽媽住普通病房,但係自己輕微肚痛就住一人豪華病房,仲話晒比所有人听佢入左院,佢都係希望D朋友去探佢既時候睇到佢間豪華病房者.無幾耐媽媽過身既時候,打齋果晚佢仲響到,但係第二日就要同班friend出國玩,試問你身為啊媽既仔,會吾會啊媽頭七都未過就去玩呀?依家仲出左張唱片,里面仲有首歌係歌頌佢對媽媽既“愛”!
吾知大家覺得以上幾位“上等人”,係咪真係稱得上為真正既“上等人”呢?
*(本輯無相堤供,事關搵吾到“上等人”既相)

9.7.08

小小大老細..






7月6號(星期日),我主持左一場show,點解我要特別介紹呢場show呢?因為我欣賞呢間公司既老細咯..首先講返場show先,有個好朋友話佢做緊間网站公司要攪場選美會,要搵我做主持得吾得?更係得啦.原先都係以為都係D一般既show,照單拾藥,熟讀公司背景...當我好努力甘去了解緊呢D野既時候,先發覺其實呢個選美會都攪得幾大型喔,點解我甘講呢,或者我講D得獎既獎金獎品比你知你就明架啦,D'yue元氣美女選拔賽,冠军:总值RM30,000 ( RM15,000奖金,RM6000一年的代言费 (不包括津贴,广告费),RM9000的奖品,广告拍摄。)亚军:总值 RM15,000 ( RM10,000奖金,RM5000的奖品,广告拍摄。)季军:总值 RM10,000 ( RM7500奖金,RM2500的奖品,广告拍摄。) 平時D選美獎金獎品咪得果RM3千2千一千..哇!當我囉到D資料既時候我都嚇到,如果再送多部車甘就真係同D電視台攪既選美差吾多架啦..果日當我入到現場既時候,又嚇到,因為我真係未見過甘大張既海報,有兩張100尺 x30尺左右既印滿晒十強佳麗既樣既海報,掛住響ballroom既兩邊(我捻呢兩複野都要上万蚊挂),哇!電視台選華姐都無甘勁呀.仲有呀,一般公司晚宴抽獎都係抽D風筒呀冷氣呀微波爐等等,但係呢間公司抽既係三部名牌數碼相機(吾係cheap野),三部HP電話(吾係cheap野),普吉團(吾係cheap野),仲三部微型電腦(吾係cheap野,仲好貴忝),部電腦我睇都要成7千蚊部掛..心捻,一定係間好大既公司而且老細同一般鐘意混靚女既麻甩佬老野差吾多,但係當我知道個老細仲細我一年(當然個樣睇落係老過我啦,哈哈)而又可以同D差吾多年紀既下屬玩得好癲既時候,我反問我朋友,你confirm呢個真係你老細呀?我果晚同佢傾過計,我話好羨慕佢D下屬,佢地可以做工做得甘開心,老細話因為佢同D下屬既捻法一樣,下屬認為行得通既,老細都絕對認為真係行得通..你睇下,人地既老細捻法甘開通,生意至攪得有聲有色,真係可以大展鴻圖.但係你會吾會覺得點解自己公司里面話得事既人,通常都會係一D古老石山又還是係一D嫁吾出既老姑婆呢?係咪下下都話呢D吾得,果D吾得,好听D講句,佢經驗多,都係吾想你撞板者,吾好听D講句,咪成世做同樣既野,永遠都走吾出個框框度咯.哎..算啦,都係講返D開心既野,我響度同大家介紹下呢個少少大老細開既网站,www.dyuelife.com ,呢個係一個電子商貿平台,即係好似ebay之纇既网站,雖然dyuelife.com只係岩岩開始,不過佢全球每日瀏攬既人數係數以万計架,你可以響呢個网度買野,D野係非常值得買,因為佢地同D產品既商家傾過,肯定係平過你出面買,依家凈係得beauty line,月尾就會開埋trendy line既時尚用品(大部份都係一講你就知既名牌),听講遲D響呢個网站度仲會賣車賣樓..一個年紀輕輕既大老細,CEO Xavier Tan你係得既,我支持你!好高興識到你同"環球業務總監"Bryant Chia..听落個名銜好犀利,其實呢個"環球業務總監"又係一個勁玩得既大細佬..
希望大家可以支持呢班甘勤力創業既後生仔..

4.7.08

sawadee krub “行,dup,買,吃,拜”






嘻嘻,細佬休息左幾日,所以個blog就停左幾日,放心啦,我捻我依寫blog未會新屎坑三日香既,我只係返左第二個家〔泰國:曼谷〕者.
其實我都好掛住個blog架,我響泰國既時候都有上網睇,亦都想寫,不過酒店既電腦得英文同泰文...英文我覺得吾夠貼切,甘就等我學好d 泰文再寫比你地嘆啦...哈哈
其實我次次去曼谷主要既原因係還神同拜神.
點解要叫“行,dup,買,吃,拜”??
1)行>除左机場去酒店同酒店去机場搭的士之外呢,一般黎講我真係無乜想搭的士,因為響曼谷好多時候都響度塞緊車,所以我情愿答地鐵,又或者行路...通常去到目的地既時候都會有少少腳軟,如果去到既目的地係一間好X大既shpping mall..哇!呢鑊金咯..又係行.跟住再行過隔黎另外一間又係好X大既mall.行行行同再行咯...響Siam果區真係囉你條命呀,一共有四間大型既shpping mall..我係用左一日時間響到行,除左去餐廳吃野同埋試鞋果陣可以坐之外,基本上成日都係行行行...真行到腳都甩呀 !
2)dup>"dup" 即係dup骨啦.去到泰國邊可以放過呢個環節架.一個鐘泰骨都係緊緊250baht,易計d咪rm25...哇!真係抵到爛呀!今次去四日dup左四次者,有兩次就直落兩個鐘,不過仲未破到上次既記碌,一日dup四次骨 哈哈 dup完之后返到酒店即散..
3)買>去曼谷其實買野就真係洗吾得幾多錢既(吾包名牌),我意思係買d cheap d既靚野,例如去pratunam platinium(有冷氣)或者jaktuchak weekend market (無冷氣,仲好X熱)呢兩噠地放都係批發价出售,抵到爛,擺到明係cheap架啦,不過d design就真係幾掂架.如果你又想買d又平既名牌當然有啦,不過你最好年中(七月到八月)同埋年尾到年頭(十二月尾到一月尾)泰國瘋狂大剪价 up to 80% sale...我第一次買名牌野吾使睇价錢係甘掃係甘掃就係響泰國啦... 哈哈..瘋狂購物得甘豪既感覺真係好爽架...
4)吃>泰國 野好吃到囉命呀,可能我最鐘意吃泰國餐啦.首先要為大家介紹既係“正宗泰國菜餐廳TALING PLING”...搭的士同司机哥哥講 Silom Soi 22 你會見到間印度廟,之後轉入去廟旁邊條路,直直行一分鐘就見到一間好靚既獨立式響你既右邊架啦.. “TALING PLING”,如果你覺得亂既話,間野響world trade centre岩岩開左間分店,快d去試下啦...記住間野叫“TALING PLING”呀...仲有仲有記住去埋堂人街(yao warat)既南星餐館(即係人地吃魚翅呀燕窩之纇既餐館),響條行仔度既(吾係門口向大路果間呀),好多人既就係架啦.你可以淨叫燒蝦燒蟹,冬粉帶子....仲有波蘿炒飯,好吃到想暈呀..
5)拜> 其實去拜四面佛係由2001年開始拜既,拜完之后真係覺得幾靈,所以一年會去一兩次還神.第一次拜既經驗最為之特別,因為拜完之后捻住走既時候響悶口先見到謝庭峰,之后又見到謝賢,點知后面仲跟住個狄波拉同佢老公鬍鬚KONG響我旁邊經過..今次去都算特別,四日里面我一共拜左三次,三次都係到左門口準備拜既時候落起大雨,點都好啦,拜就一定拜硬架啦,唯有 住雨拜咯,可能四面佛感動落淚,再用神聖既雨水洗去我地身心上既罪孽咧...一般既信徒都會甘捻既..嘻嘻