w i l l i a m s a n + B L O G

我?坦白直接..所以咪成日比人鬧咯..

不過我都無理佢地,因為我覺得鬧我既人通常都係吾接受現實至會鬧我者...

26.1.09

咚咚呛黎啦。。。






Hello,大家好,首先响度同大家讲声对吾住先,因为呢排又系好似好忙甘,无时间老作,哈哈,其实吾系老作既,每次写blog都系发自内心,讲出想表达既心情故事者。
Bukit Tinggi返左黎之后,一路都做紧野,走NTV7既road show啦,都走左好多个地方,芙蓉,马六甲,怡保,巴生,吉隆坡同埋槟城。。。好开心,真既,真系好开心,因为有机会见到fans,如果出唱片就可以经常去其他地方做签唱会或者唱show,但系我斋拍戏都拍左好几年咯,所以无乜机会见到佢地。真系好希望电视台可以做多D呢D甘既road show,可以宣传之余又可以玩一场甘high既活动。。
走紧road show期间又出席左“谈谈情,舞舞狮”既新年记者会,(呢个记者会系我今年第一次“捞生”,所以果日真系吃得几饱架)。。。哪,讲返“谈谈情,舞舞狮”呢套剧,拍得真系好过瘾好开心架,几个岩频率既演员再加上剧本既笑料掂,首播果日,我收到好多sms,但系我无机会睇到,事关我又去左泰国还神,返黎果日已经半夜,第二日又做成日做成日。。。之后捻捻下多几日就初一咯,好似仲有好多年货仲未买吖!!!!!!!!!!!!!!!
At this moment,买完年货,吃完晚饭,接埋财神,返到屋企,冲完凉,琼干水,做埋保湿masque,搽埋cream。。。。依家终于可以有时间摊响张床度,拓住部电脑慢慢写。。。 亦都慢慢有睡意,捻到听日又系忙碌既一日,拜年拜年and 拜年。。。。。。我捻都应该要拜到年十五咯。。。。好啦各位,细佬william要训啦。。
不过响训之前要同大家拜个早年先,william响度祝所有睇我既blog既人,身体健康,万寿无疆,青春常驻,皮光柔滑,煎堆碌碌,金银满屋。。。。。。。

14.1.09

半工玩。。。






呢排好似好休闲甘,有机会半工玩。。人地半工读,我就半工玩,嘻嘻。。无几耐之前去左槟城影相,果日又有机会被旅游杂志邀请去Bukit Tinggi享用佢地既SPA,活动同埋好纯正既法国餐。。虽然吾系出国,但系都好享受吖。。哈哈。
Bukit Tinggi好近,由吉隆坡去,45分钟车程就到啦。初初都以为未到山顶,吾冻得去边架啦,又以为无乜野玩,应该会几闷既,所以从未捻过要去呢个地方。但系今次去完之后,出乎意料,我中意左呢个地方。由于果度无乜人,天气劲好,环境劲好,好舒服。点解要上到去果度做SPA??老实讲吖,如果响KL做SPA既话,又点会放松吖,做紧SPA既时候又捻呢样又捻果样,城市人既烦恼多得是,一吾系就听到有人倾计,一吾系就隔离房条友电话响跟住大声倾计,烦都烦死啦,话晒都系响个城市范围内吖嘛,但系去到山长水远做又吾同呢,果度几乎与世隔绝,乜野都吾洗理吾洗捻,D人讲野又蚊滋甘细声,我捻如果有粒负离子跌落地都听到吖。真系好舒服好宁静,我捻我吃到甘大个人,都未试过甘清静过。
做完SPA之后,就去吃D野,然后就去行左一公里路既花园,无错,就系“游花园”!!事关吃得太饱,花园又响餐厅楼下,无乜借口吾落去行下既,由于细佬我都经常种下D花花草草作乐既,所以对D植物都特别有兴趣。游游下花园发觉吾对路,花园点会甘大吖,上落成一公里路,应该叫“游森林”至岩!!其实行左甘多路,我一滴汗都吾流过,可想言之果度天气几甘凉呢。。
返到房,摊抖下,又换件靓衫去好法国既法国餐厅吃法国餐。。哈哈。。好吃。。无需多讲啦。。不过吃完之后,都系得十点左右,吾通甘早返房训咩??无错,就系要返房训,因为吾训都无野做架啦,全部店十点已经熄晒灯架啦!!! 训啦!!!
第二日,晨甘早起身,去边?去吃早餐,骑马仔,玩兔仔咯。呢D野通常响KL都无乜点玩既,不过玩落又几过瘾既。。哈哈。。骑马仔都还好,几爽,去到玩兔仔就过瘾咯,原本以为得果两三只,肯定又系追到气喘,点知都几多架,追都吾洗追,只要手上有野比佢吃,就会有几只走过黎吃,任摸任影。。几得意架,咪好似D人响巴黎喂白鸽甘咯。。。。。哈哈哈哈哈。。。。白痴。。。
其实吸引我既地方,最主要都系天气,真系好舒服。我捻,我会再返去既。。。不过未知几时。。。

5.1.09

好多BB吖。。。。。





呢排,吾知点解接触好多BB吖!!!。最先见既BB系我哎呀细妹既仔“Izaac”,即系我外甥,妹妹响加拿大生,果日返黎,BB已经五个月大啦,的确好得意,我捻我所见过既BB当中,除左外国人之外,我都未见过甘鬼Q既BB。据说佢一出世就有好多好多头发,兼且又浓又黑,眼仔碌碌,虽然对眼吾算大,不过眼珠好大,好似D人代左瞳孔放大既隐形眼镜甘。。哈哈。。劲搞笑。BB出世无几耐之后,就第一次剪头发,之后妹妹仲专登留长BB既头发,仲“吉”住对眼都要返黎比我地睇,因为有几“汁”系天生highlight左既,我第一个反应就系:吾系攞错左隔离床果件下话!!!吾出奇喔,加拿大生,乜血混乜血,混完出黎乜样都有啦。。。哈哈。。话时话,呢只野又真系几乖既,边个都抱得,五个几月我敢抱,事关我好惊抱D两个月以下既BB,因为我吾识抱,怕扭亲佢条颈骨。。。Izaac吖Izaac,快D叫我一声“舅父仔”啦。。。
果晚去出席林德荣既仔“Lucas“既一百日dinner,哇。。五十围吖,好多人,好似马来西亚娱乐协会既联欢晚会甘吖,因为见到好多同行既人,happy happy,但系Lucas净系出现响我地面前一阵者,所以把握时机,啦啦临抓住Lucas仔影返张相先,事关Lucas仔仲要围围台去敬酒架。。。哈哈。。响度祝Lucas仔快高长大,大个之后做Dato 。。。 嘻嘻。。
寻日晏昼,又出席我既旧同学林佩盈既仔“贺柏阳”既满月lunch,无错,系lunch,我都系第一次去满月lunch既,比较西式,自助餐,意大利粉,咖啡,另一种感觉。吾系好多人,不过胜在够warm。。呢D场合,通常BB都吾得闲既,个个都话要抱下,甘既情况之下,我呢个大细佬见到甘多气球,更系玩好耐未玩过既波波啦,影下相者,吾好误会。当然响呢两场“满月酒”,卓卉勤肯定有出席啦,第一,有得吃,第二,发挥做奶妈既本色,吾知点解,个个BB到佢手抱,一定训着,莫非。。。。。。。。。。。。。。Er 。。。。莫非个范围仲大过张床??吾系,系舒服过张床。。。。 嘻嘻。。。响度祝“阳阳”,双眼皮仲深过佢老豆。。。

3.1.09

新年快。乐。极生悲

首先讲声HAPPY NEW YEAR!! WISH U ALL THE BEST IN 2009 !!通常新年人人都会想去揾快乐,去参加一D倒数排队,去睇睇show,去disco跳跳舞,去酒吧饮饮酒,去睇睇烟花,又或者去朋友屋企吃下野饮下野,开开台。。。我选择左最后果项。可能自己吾系甘中意人多既地方,因为我怕塞车,怕吵,怕比人用喷雾雪花喷到成面都系,怕乱,怕自己部车比人刮花,怕人酒后生事,更加怕即将会有意外发生既感觉。甘多怕并不代表我系懦夫,只系防止种种既意外发生者。
话说当我离开朋友度,回程返自己屋企之际,凌晨三点左右,见到一D我吾想响新年既第一日就见到既野,吾系鬼,而系一场好恐怖既车祸。当我部车去到jalan Tun Razak 就到GH前面既天桥向住Seremban Highway去紧既时候,有一部改装过既白色短尾国产车快速地由我后面爬我头到前方,由于我一向揸车都吾快,70km左右,我捻对方时速应该有120km左右,所以一眨眼,佢神龙不见尾,我连尘都吸吾到吖,但系我对呢部车有印象,因为佢着住double signer,而且我对一D改装过既车特别有兴趣。两分钟之后,去到Ampang Park前面既隧道位置,有好多好多车停晒响度,系越来越多人围埋去,我觉得前面肯定系有车祸放生,由于系岩岩发生,所以未开始排长龙,我仲系第二第三部,但系都行吾到,有好多电单车骑士吾睇车冲晒过马路去睇,有成百个人挂。我坐响车度睇住D人冲过马路,亦都响人群中见到一部应该total lost 既改装白色短尾国产车。无错,就系头先爬我头果部。成地都系碎片,有大块,有细件,仲若隐若现见到有两个人训左响对面马路度,已经知道系乜事架啦,即刻避视线继续望前方,我真系吾可以睇D甩头甩骨既野,我一心想尽快离开事发现场,我吾系吾热心帮忙吖,事关帮忙既人已经有成200个啦。100m既事发现场既车程都用左几分钟过,因为地下碎片好多,人又多,好啦,以为离开个范围啦,点知无几远,见到一旧好大旧又出紧烟既物体响路中心,当我再行近D,睇清楚,原来果部车连个引擎都飞埋出黎。。。。。
其实我真系吾知司机系咪醉酒驾驶,但系我觉得响公路上千其吾好飞得甘快,尽量避免意外发生,乘客既安危响晒你手上架啦。
尽兴之余,记住避免意外发生。。。祝大家“新年快乐”“出入平安”。