w i l l i a m s a n + B L O G

我?坦白直接..所以咪成日比人鬧咯..

不過我都無理佢地,因為我覺得鬧我既人通常都係吾接受現實至會鬧我者...

30.12.08

噢。。圣诞节。。。


圣诞节,原先都无捻过有D咩节目既,一个人孤零零响屋企过一个温馨既节日。其实自己最中意既节日并吾系农历新年中秋又或者清明,而系圣诞节。就讲D应节歌曲啦,圣诞歌听极都吾会厌,而且越听越有感觉,无论抒情既轻快既都好好feel。新年歌就有D吾同啦,新年歌得个吵字,一味咚咚锵咚咚锵,一时就觉得几热闹既,甚至付有D人要听到新年歌先至知道农历新年到啦。但系有时配合吾到当下既心情,譬如话初一初二日头就话ok者,到左夜晚又或者就黎放完假果几日就真系有D 棘手啦,你知啦,人既情绪好难讲既,农历年有成十五日甘长,有时热闹过后,想一个人静下,点知隔离屋仲响度开紧party开紧台,炸紧“咚咚锵”,哇。。。。真系想死咯。。。圣诞歌就吾同,轻快既可以应节,抒情既可以催眠。。可以令到自己去到升仙既境界。。哈哈。。我劲中意圣诞节既气氛,有时真系好想好想去落雪既地方过一个白色圣诞,抱住自己心爱既人,睇住棵挂满装饰品既圣诞树,听住浪漫既圣诞歌,哇。。。果种感觉,简直“霖”死吖!!!相反地,农历新年我就吾会捻到同心爱既人去大陆过,睇下大陆既新年习俗,睇下人地攞正牌方晒烟花炮仗。农历新年既指定动作,应该系要同一大班好朋友一齐过既,吃喝玩乐,样样做齐,甘至叫农历新年吖嘛。玩通宵之后,返到屋企,捻住训返觉好既,点知听到电台仲播紧“咚咚锵”,我捻发梦都会见到年兽吖。我吾系天主教徒基督徒,亦都吾系西方人,我系一个华人,一个好虔诚既佛教徒,我捻上帝吾会介意我去enjoy佢既节日挂。。嘻嘻。。
圣诞前夕,虽然无机会去过白色圣诞,反而去左个朋友屋企庆祝,有个好好既发型师朋友屋企搞christmas party,叫埋我同菲比去。人少少,聚埋响间屋度,饮下野倾下计,交换下礼物仔,都另有一番滋味既。。。

25.12.08

我爱“麻芝”。。。





果日无端端上左去槟城一轮,其实系影杂志既婚纱相,我做男模者,吾系我着婚纱,吾好搞错。当日响一间六星级既酒店度影,RasaSayang,自从装修过之后我都未去过,好在新郎更系做配角,主角系新娘既婚纱,所以我好快就搞掂,甘正既环境,我更系“鼠”出去享受一下阳光与海滩啦。其实我一路黎都好中意槟城架,无论系做野或者去玩,我捻长住我都仲得。。。 事关槟城有好多好靓既酒店可以住,又可以对住个海(虽然D海水就嘛嘛地),至少仲有个沙滩得。槟城经常阳光普照,最适合中意摊响沙滩度晒到一身古铜色既我啦。。哈哈。。理所当然做完要做既野,更系走出去吃D地道野啦,咖哩面,蚝煎,炒贵刁,卤肉。。。。更系吾少得我既至爱“麻芝”做甜品啦。所以我好期待有机会去槟城做show,因为D fans真系真系好热情,场面都会好high。仲记得有几次响槟城做show,有几个忠实fans知道我钟意吃“麻芝”,次次都响后台等我,就系为左要亲手交“麻芝”比我,有时仲搭埋杯凉茶添,真系善解人意,哈哈,多谢晒,太感动啦,(不过通常都等到D“麻芝”都已经出晒水咯,点都好,我都会吃晒既)。吾知点解我对“麻芝”情有独钟,去到槟城吾吃“麻芝”会周身吾舒服。所以上亲去槟城“包肥”。。。嘻嘻。。。由于今次吾系出席公开活动,所以无机会吃到fans送黎既“麻芝”,唯有call D槟城friend带我去吃咯。希望快D可以再去槟城做公开既show啦,又可以吃餐正野。。。听讲好似一月十八会去。。。嘻嘻。。。到是见啦。。。“麻芝”我黎啦!!!!!!!!!!!!!

17.12.08

eye player 最新一季,出炉咯。。。


前卫复古风
前两季的设计均是色型路线,风格也比较大众化,所以深得顾客的眷顾,在短短几个月已经断货了,为了保持“eye player”的新鲜度以及一贯的作风,不再重复设计,所以很快的最新一季的设计出炉了。这一季大胆的玩起“前卫复古风”。全新的旧式设计,配搭现代化的质料,可说是名副其实的“前卫复古风”。大胆的设计包括了“泪滴型”(tear drop),“特大方框型”(retrosuperfuture),有了这么特别的外形,用色方面,当然不可以采用一些很鲜艳的颜色,以免“画蛇添足”(too much),所以采用了比较朴素的颜色如古铜色,宝蓝色,墨绿色,黑色以及百色等等。这一季的设计里采用了两种质料,铁和塑胶,为求带出一种前所未有的感觉。用铁所造成的眼镜框,带出的前卫时尚感,塑胶造成的眼镜脚,经过特别设计,让人看了就会想起似曾相识的感觉,没错,就是爷爷的老花眼镜。两者配搭在一起,就是“eye player”最新一季限量版的前卫复古风。一副2009年不能缺少的时尚饰品

4.12.08

花生秀。侏儒




果日,响新加坡赶返黎都系因为要做一场fashion show,如果吾系,都会响新加坡逗留多几日既。事关自己好耐都无做fashion show,仲有铺瘾,戒吾甩,哈哈。过瘾之处就系,吾洗用甘多精神同体力去享受做show既乐趣。平时一场live show吾系做主持就系要做其他吃力表演至享受得到过中既乐趣,做model净系行出去跟住行返入黎就搞掂。(不过我净系着一套衫,吾洗换又吾洗赶,更系享受啦,哈哈,难为其他model咯)
原先以为可以享受企响T台既荣耀,得到众人既目光,点知突然间杀出一个Lisa S 行我后面,搞到我响台上成个侏儒甘,一个Lisa S 都吾紧要,行我前面系一个仲高过Lisa S 既女仔,(幕后工作人员同我讲:William, she is the tallest girl among them!!!)死未?死未???斋catwalk都吾紧要,最后仲要平排企埋一齐至弊,吾信你睇下张相就知架啦。。。 (之后有个朋友同我讲:原来你甘矮架?):(
不过。。。哎。。。吾紧要啦,横掂甘耐无做过fashion show,享受下都几过瘾既,又多靓人睇,又有靓衫着,(我意思吾系话拍戏无靓人睇无靓衫着,只系吾同既场面同吾同既人类者)
第一晚就做左opening show,最后一晚就做座上客去睇show,精彩精彩,我觉得睇fashion show 精彩过睇演唱会又或者电视台D show 。。。吾知点解。。

27.11.08

新加坡台庆。。。


虽然呢排拍完戏,无工作在身,好似好得闲甘,不过又好似好忙甘,哈哈,因为到处揾朋友出黎“HIE”。。
上个星期比公司安排去新加坡出席公司45周年台庆,自己无份表演,斋做三个钟做观众。有D无聊,可能自己惯左做SHOW既环境,惯左准备台前表演或者记稿,所以叫我斋坐去欣赏一场SHOW,感觉就有D。。。。。。略嫌场SHOW D节目有D保守,应该似十几年前TVB挂。。
不过都几开心既,同公司签约一年以黎,都没去过新加坡公司,依家有甘既安排,都令我有机会落去睇下行下,都系一件好事黎既,可以一次过睇晒所有既所谓大牌艺人,哈哈。其实一路以黎都对新加坡既拍戏环境有D恐惧,始终吾系自己地头,又惊无朋友,你知我架啦,死净把口,吾得讲野叫我死左去好过。不过今次落去呢一趟,的确令呢份恐惧有所改观。落去之前我无同其他驻新加坡既同事讲,点知响现场见到面既时候佢地都有D惊喜,见到好多人,倾左好多计,原本以为会乖乖坐足三个钟睇SHOW既我,掩盖吾到我心中既热情,结果发挥左我原有既天分-----“满场飞”。。。哈哈。。。
SHOW完之后,收到好多电话叫我出去饮野同吃宵夜,我人得一个,去吾到甘多地方,唯有同你地讲声SORRY SORRY,真系好衷心讲声多谢你地甘热情既招呼,今次逗留两晚,时间真系吾够用,好抱歉。。。
笠日,耀栋,泓宇,爱玲出黎下午茶兼晚饭,倾左好多计,响佢地身上学做好多关于响果度拍摄既经验,如果真系有机会落去拍既话,都无甘惊,哈哈。

12.11.08

可惜我是天秤座。。。


呢排好得闲啦,“谈谈情,舞舞狮”终于收工啦。。终于可以变返个正常发型啦。。哈哈!可以训到“自然醒”又或者“安乐醒”。。。哈哈。。
趁有时间就去揾D friend出黎倾下计饮下野,过D逍遥D既生活。。 因为拍紧戏既时候都无乜时间揾佢地,所以依家揾下揾下,我捻都可以揾成个月吖。。。
果日约左班friend出黎吃饭,有几个系做传销既,哪,响度讲声先,我对于职业既阶级观念抱平常心态既。我想问下大家,做传销系咪指定要揸靓车,着名牌,身上既野系咪一定要有甘贵得甘贵去比人“睇”呢?有无人去大炒档吃野都戴住只一卡半既钻石戒指?跟住就话系老细送既以示奖赏甘。我无妒忌或者羡慕,不过卡半既戒指真系好闪,哈哈。。再捻返起,以前都同过类似转销既朋友去mamak档饮茶,佢抱住个LV袋(话系下线送既,应该五六千左右),再攞条burberry经典格仔既手巾出黎抹嘴,抹完之后摆响檯度,比我地“欣赏”佢既名牌。大佬,我捻你揾错对象去晒你D名牌,你响我面前做D甘既野,我只会觉得可笑同可悲者。佢地既心态究竟系点既呢?我净系了解佢地“其中”一个心态就系,你一日未做传销,证明你一日仲未醒!。。。醒?“醒”系咪即系代表一D十几二十岁,着住一套吾岩身既西装,set住个东方神起头,企住响传销公司楼下咭住肥佬碌碌吃呢?无错,醒即系代表要有钱,要响最短既时间之内揾最多钱,相信呢样就系最吸引人之处,但系。。。一间传销公司入面,揾最多钱既人有几多个??一万个?一千个?一百个?定系得果十个呢?
我曾经都比人拉过上去听佢地所谓既讲座,讲野既人听讲话系某某公司前主席,某某学校既前校董,佢地以前都揾好多钱架,依家都黎做传销吖,你话可吾可以揾到好多钱吖?。。。一个啊伯,揸住支mic讲得头头是道,我当时既反应系。。。如果比多支mic我,我好有信心可以即刻驳到佢口哑哑。。不过我捻我出吾到间公司既门口。。哈哈。。所以我无甘做,为左自己既安全着想,亦都吾想打沉一班未有人生目标既中学毕业生对社会既期望同埋憧憬。。。。
我吾系话传销吾好,我相信系可以揾到钱,但系D“人”既办事态度同手法,吾该正确D咯,如果吾系,就会祸害下一代架啦。。做人心中要有个秤既,甘样先至知道点样去衡量每一件事既黑与白,所做既野对吾对得住自己既良心。。。。无称??无理由架,卖得起LV买得起卡半钻石,竟然卖吾起一个称??去参茸行借啦。。。

4.11.08

我无饮食艺术。。




果日岩岩识左个邻国既新朋友仔,亦都倾过好多计,其实响谈话当中,留意到每个人既思想同捻法都有好大既吾同,呢D吾算系距离,亦都吾算吾岩key,因为我地倾得非常投契。譬如话我系从事演艺事业,佢系就读烹饪课程,我满脑子都系捻紧点样去做好自己既表演,对食物就真系无乜要求,但求吾会难吃就好啦,同埋吃野既环境舒服,吾会太多人,最好要有冷气就得啦,而佢就成日都捻住D野要点煮至会好吃,呢样太甜呢样太多盐,杯咖啡吾够热,成盘食物既呈现方式吾够完美,而每一餐既分量大概要响500克左右(呢样野我都系岩岩至知,心捻死火咯,餐餐D广府炒福建炒点只500克吖)。对于一个对食物甘有研究既朋友,我竟然带左佢去吃我最钟意最油淋淋既“水煮鱼”,由于系岩岩识,所以我捻佢都吾系甘好意思话吾好吃,搞到佢隔硬吞,我都吾系甘好意思,哈哈,SORRY SORRY。好嘞,搞到我要懒识野甘带佢去吃鬼佬野,好,TIRAMISU,去我最钟意既ALEXIS吃TIRAMISU,(死嘞,TIRAMISU系咪甘串吖?)结果佢话真正既TIRAMISU系无蛋糕既,全部既成份都应该系液体胶状既,其实好易做既,仲话要教我做,多谢多谢,我诚心多谢佢甘热诚,但系我真系情愿用十零二十蚊去买黎吃。(多谢你既好意,我知你会读我既BLOG,嘻嘻)对我黎讲,摆得入口,味蕾透过神经话比大脑知,呢样野几好味,甘我已经心满意足啦,但系甘样既捻发,会吾会糟蹋左对饮食既艺术呢?

24.10.08

〈最美麗的第七天〉我喊...





呢幾日我真係就黎煲劇煲到傻左,岩岩先煲完〈最美麗的第七天〉大結局.雖然套戲係舊D,事關我好想睇下TVB拍既偶像劇係點既.好咯,真係幾好睇哦!三日煲晒二十集,我知呢個吾係咩大不了,我只係想講套戲好好睇.我岩岩睇到喊!故事講關於兩個響八月份既第七日出世既人,會遇到吾同既際遇,響愛情方面亦都有所不同.雖然故事係有D老土,男女主角幾經辛苦到最后相愛,然后女主角生cancer死,但至起碼"人靚","景靚",拍攝手法夠sweet,簡直甜到流,呢下低返晒啦.所以我覺得做人一時真係吾好太過理智,煲劇就要全情投入甘去煲,如果吾係既話,好多響實際生活上好美麗既畫面就會灰飛煙滅架啦,甘樣活落去仲有咩意思呢?我甘講,吾知係咪自己都好渴望有一段甘幸福既愛情呢?凌嘉恩講得岩,[生命吾在乎長短,最緊要活得精彩]....雖然男女主角都無好完美既結局,但係最起碼兩個人有機會響埋一齊既時后,愛得夠轟烈,愛得死而無憾...我相信如果有朝一日,我既另一半死先過我,我會用一生既時間黎証明比佢知,我對佢係專一既........
劇中有個神秘講故佬講既,我覺得好岩听,細佬借花敬佛,響度送比大家---「上帝創造天地萬物,用了七天的時間。祂將最美麗的事物,都放在世人的面前。所以人生在世,無論經歷過什麼,只要你懂得珍惜,一切都可以是最美好。」

23.10.08

求其大合唱唱唱...





呢排時間上有D鬆動,趁有机會就響屋企煲劇.因為好耐都無試過煲劇既感覺啦.有一日,有個good friend拎左張響香港新鮮運到既DVD比我,叫我一定要睇...睇,我一定睇,我把口甘賤,吾多吾少都係跟佢學既!燈燈燈凳...〔林海峰是但嗡求其大合唱〕仲出左好多自己設計既產品30METHING 好正!! 其實之前都有睇過佢既talk show,都已經覺得佢好犀利,佢用好多事實黎開玩笑,甘先至好笑丫嘛..之前果場都好勁,相信好多人都听過佢唱既〔勁歌金曲攪笑版〕,改晒D歌詞,唱出時下發生同流行既野,句句都係事實,听完之后個心覺得..咦,係哦,唱中晒,然后就得啖笑.真係好欣賞佢個腦轉數快,鬧完人之后,對方要用時間捻先至發覺自己比人鬧..哈哈..其中有一part最令我感同身受既係,去event又或者出席一Dfashion party,往往D人出席親呢Dparty,都要由頭到腳扮到靚一靚,閃一閃,大家對眼都會幫你由頭scan到落腳,然后過黎同你大個招呼,傾兩句,真係淨係兩句,然后就會望到第二個,就同你講聲:excuse me , i saw someone there , talk to u later ya . 然后我就理所當然地答:ok , see u around . 原來人與人之間既溝通就係甘既...尋晚先有一個好好既例子,我尋晚又去左個所為既fashion party啦(響度講黎講去,自己又要去,真係犯賤),有個女人,就叫佢“海潮”啦,以前D party度都見過面既,好似都係做fashion既,不過我吾知佢做邊間公司,亦都無同佢傾過計,結果尋晚佢就坐左埋黎我身邊,就開始搵野講啦..Hello William,你呢排好忙呵?我有睇你既戲丫,呢排電視做緊,果套叫...叫...叫...(呢個海潮叫九年都未叫得出,結果咪係要我幫佢同我自己解圍),套戲叫“還我情真”丫..嘻嘻..之后就互笑無言..
其實仲有好多事實係好好笑既,如過我有朝一日,可以好似林海峰甘開到個talk show既話,實會講晒出黎比大家開心下既(不過發夢都無甘早啦william san)...

15.10.08

PINK到暈...





哇!真係粉紅到暈得一陣陣呀,岩岩出席完一個好有意義既活動呀.“BREAST CANCER AWARENESS CAMPAIGN”,world PINK world without breast cancer.Wear PINK ribbon.make a difference. 預防乳癌活動,粉紅世界,沒有乳癌的世界 ,戴上粉紅絲帶,可以改變得更大.
前幾日收到一封好粉紅既invitation card,嚇親,有相為証既,淨係見到張卡都嚇親啦,點知去到現場,我幾乎暈得一陣陣.當晚既dress code係PINK,甘我唯有听听話話去搵PINK衫黎著咯,點知現場幾乎有七成人著粉紅,再加埋Ddoor gift bag啦,影相既backdrop啦,台布啦,(事關落大雨)遮啦,連杯野飲都係PINK guava juice...問你死未???
出席呢個event我有三個第一次,1)第一次著住粉紅色衫,擔住把粉紅色既遮,響一個粉紅色既backdrop前面比記者影相,仲要真係落緊雨果只.2)第一次響KL Tower睇人跳降落傘,仲要係吊住塊粉紅色旗仔一齊飛落黎,幾得意架.3)成枝KL Tower變晒粉紅色(平時你都知架啦,紅黃藍青乜色都有,丑樣到死),之后仲有鐳射射左粉紅絲帶既型狀響條柱度.今次真係令我大開眼界.
我同負責人講:你地今次真係搞得好大哦,成枝KL Tower都肯比你地甘玩法,真係吾少野.點知佢話:上個禮拜美國響白宮搞,成個白宮比佢地搞到變左粉紅色!哇!我又暈多次啦....蝦..你話如果下次中國搞呢個活動,甘成條長城會吾會變左粉紅色咧又????

13.10.08

啊嬌.月經.降

話說有一日,我好似好乖仔甘同啊媽坐響廳度睇電視,當電視畫面出現某個男演員既時候,啊媽話:哇!呢個男仔既樣甘衰既!真係樣衰!我無言.當畫面出現一個生面口既女演員既時候,啊媽又話:哇!呢個女仔新人黎架?未見過既,幾靚哦,好似好識做戲甘哦(我啊媽係一個有戲就睇既普通過普通既師奶).我終於忍吾住開口:媽子,一時睇野吾可以淨係睇表面既,頭先你話果個男仔,佢好照顧佢老婆,仲有個好得意既女女,佢好顧家而且對身邊所有既同事都好好,總知就好人一個啦.至於你話果個所為既靚女,佢份人就真係嘛嘛啦,我地仲幫佢起左個“朵”叫“啊嬌”(客家話﹣無得救=>“茅dek嬌”).成個劇組里面都無乜人愿意同佢傾計既,事關大家令教過之后,個個見到佢都淨係普普通通甘同佢講聲hello早晨就算啦,費事佢有機會響后面放暗箭啦.(我都曾經係受害者之一,tolong吾好問我佢係邊個,我係吾會講既!!!!哈!)其實有件事我一直都懷疑緊自己對佢既判斷能力,不如響度問下大家既意見(我吾講是非,OK?).話說有次服裝大姑拎下一場套衫比佢換既時候,佢理所當然甘將換左既衫“劈”比大姑,大姑嚇親,因為響佢岩岩除落黎條絲襪度,有噠血跡!!係,係好正常,係好普通無錯,但係呢D野係咪應該自己留意下呢?一次就當你吾小心者,吾通連續“幾次”都算吾小心咩?好啦,就當你吾小心“幾次”咯...呢D野雖然吾關我事,但係我真係好想知道,究竟甘樣係証明左D乜野?証明你已經係一姐既身份地位?定係你既家教問題呢?其實仲有個好朋友兼同事“啊仔”都跌左落佢既陷井度.听講啊仔對佢係一見鐘情既,比佢迷到神魂顛倒,日日開工都響度sms,不時響拍攝現場又喊又笑有時仲跳埋舞添,條女擺到明利用緊你啦傻仔,事關響現場都無人同佢講野,搵你黎做佢唯一個伴者,人地響獅子國都有個大只男友啦,講你又吾听.要講既都講過,要勸都勸過,好似中降甘,愛情係麻目既,我信啦..我真係無眼睇啦,一個愿打一個愿挨,結果搞到我都廢事同你講野好幾個月,甘就無左個朋友...咦..話口未完,響我生日既除夕,啊仔終於sms我啦,〔you free? we need to talk〕.結果我出去見佢,點鬼知吾係同我慶祝生日,係要我開解佢...那星丫!算啦算啦!!見佢既時候,啊嬌岩岩話要同佢分手,分手既原因就係「公司反對佢拍拖,反對佢同一個“工作人員”拍拖」“工作人員”呢四個字講到係有階級之分!!!天呀!!咩人黎架?????第一,公司話知演員拍拖,結婚都仲得丫!總知吾好大肚影響拍攝就得啦!第二,乜野規條話演員吾可以同工作人員拍拖?工作人員吾係人丫???!!!哪,啊仔,吾好話我無口德,我覺得呢個吾係秘密,因為你都係受害者...我成日都有果句講果句,講晒比你听我點睇,其實我真係吾應該同你講甘多野既,因為万一你地再次和好,我就成為箭把架啦.不過對你呢個朋友,我問心無愧,唯有盡力而為.睇怕都要搵個師傅同你解降先得..至於啊嬌就....算啦,呢個朵睇怕都會流芳百世架啦...

9.10.08

1001





哈哈,吾係比四個神字你,就算係,都好難會開D甘既字架啦.只係細佬既生日者.十月一日,開工日,其實我已經吾係第一次生日撞正開工既,不過劇組既人真係好貼心,次次都同我慶祝,不過今次有D特別,就連當日無開工什至無跟呢部戲既工作人員同演員都特登到拍攝現場同我慶祝..的確有D感動既.多謝晒甘多位好同事帶比我呢一個令我有感動到既生日.當日傍晚七點就收工,不過我無約到其它朋友去慶祝,因為第二日要開早,結果去左個副導演屋企,佢話要親手下廚煮餐靚野比我吃,(尤於佢既外貌吾似識煮野吃),所以我捻住打包上去吃就算啦,經過其它同事都話佢煮野好掂之后,我就打消左打包既念頭.我之前故意刁難話要吃“癩尿蝦”(一心想佢剝殼剝到手損晒,哈哈,睇怕我都係落硬地獄架啦),點知響正個日係hari raya,乜都無得買..結果吃齋..不過點都要多謝佢一番心意,D野真係煮得好正,正到大家都叫佢吾好做副導演,仲教佢點download辭職信添,叫佢去包劇組D伙吃仲好啦,等我地吾洗日日吃D無感情既飯合,而且肯定賺得更多...哈哈..
直至到尋晚先至得閒同D好朋友出黎吃餐飯,年年都係呢幾個,不過我好慶幸,身邊仲有好多好朋友,生日當日收到好多個sms,就連一D吾見左好耐既朋友都出現,雖然只係一個sms,但係都足已証明你無忘記我..多謝晒.
禮物經常收,但係今年應該經濟吾係甘好掛..哈哈..但係今年收到一份甘多年黎最實用既禮物,就係銀包一個.尤於早前吾見左銀包,乜野都無晒,又無時間去買個新既銀包,而呢位好朋友又好有心,送左個自己都好鐘意既款式比我,認真實用呀.仲有個都幾實用既wireless router,響屋企去廁所都可以上网啦!多謝多謝!仲有仲有,我捻我收到最為特別既禮物相信無人收過既﹣﹣就係蕃屎兩大條!!!!哈哈..真架!真係吃得既燴蕃薯兩大條呀!!!呢個生日認真快樂呀!仲吾祝我生日快樂??嘻嘻

28.9.08

好狗...





上個禮拜六,我地幾個“還我情真”既演員去怡保做宣傳.所以一早就要去到七仔公司集合,等佢地一van載我地去.但係當我坐住助理既車去到七仔門口既時候,同常都習慣性地落車登記,之后再將部車喳入去泊.響助理登記完上車既時候,突然間有個累似實Q既物體向我地部車沖住過黎,一邊好大聲渴(吾知佢渴乜),然后擋住我地部車(好似佢殺父仇人甘),響車邊大叫,然后助理開刱問佢乜事,佢粗魯甘旨住我大聲問我“U MAU MASUK JUGA? PERGI AMBIL PASS LAH!!!!!!!!!!!!!! " 我當時嚇到,我感覺好似被人通輯緊甘...(曉玉部車響前面都比呢個實Q嚇到..)我捻我當時好想同佢講道理,同時捻到佢吾知係咪齋戒緊所以甘吾好老皮,亦都捻到如果佢係一個識得講道理同埋有家教既人都吾會對一個無犯錯既陌生人甘無禮啦.結果我gud聲吞左道氣,由得助理去處理.入到去入面,捻住話返比七仔既人听頭先件事,點知佢好輕鬆甘話“Oh,佢地係甘架啦”.哇!我吃到甘大個仔都未比人甘渴過架!!!我響度捻究竟係咪呢班實Q好受人尊重咧? 應該係既,至起碼D大粒野坐住部名車入黎既時候,個個都會九十度鞠躬,霎熟狗頭,四万甘口去招待啦...哎..真係狗咯..
p/s:好彩去到怡保見到Dfans反應熱烈者,道氣即刻消晒..

24.9.08

做大戲啦喂!!!





上個禮拜做左個慈善show,YIN NGAI heart 2 heart charity night .呢個係一個粵劇show,我只不過係做主持者.其實響兩年前都同YIN NGAI做過呢個show既,好多謝佢地甘比面今年再叫我做,正所謂為善不甘后人丫嘛,有錢出錢有力出力,我錢又吾多,唯有出多D力咯.我同YIN NGAI 呢班auntie合作得好開心,因為令我真正見到出錢又出力既人,點解我會話佢地出錢又出力呢?因為有好多慈善show都會將籌到既善款,扣除制作費同埋好多淋沉既費用,淨返落黎果D至捐出去,YIN NGAI就吾同,幾乎所有制作費都比晒,而且做粵劇既制作費有幾大相信大家都清楚,特別響廣州請黎既著名粵劇導演,化妝同埋服裝設計,淨係呢三位師傅都花費吾少啦.成場show都好好,D道具佈境同服裝係靚到dum dum聲,而且仲係全新既添.雖然我真係吾係甘識欣賞粵劇,但係我比YIN NGAI呢班auntie感動到,我佩服佢地既毅力同熱誠.我曾經做過舞台劇,壓力大到一個月里面瘦左五公斤,試捻下由晏晝一點就開始化住個大戲妝,等到夜晚表演既時候仲要keep住個樣再著幾層大戲衫,你吾死我死丫!呢班auntie平均年齡大概六十五左右,雖然粵劇只係佢地既興趣,但係表現得非常專業,佩服佩服!
兩晚所籌到既善款有幾多我就無問啦,不過就有幅由劉德華“太平紳士”親手寫既字畫就籌到三万蚊.其實呢個慈善show我做得好開心,因為真係幫到好多人,其中一個受惠團體就係我上次所寫既“兩個無陰公”里面既孤兒院Ti-Ratana Welfare Society KL,今次机緣巧合之下幫到佢地.仲有好幾個受惠團體包括馬來西亞同台灣慈濟基金會,臨終關懷協會,南洋基金會等等...
雖然我就落硬地獄架勒,不過應該就吾洗去到十八層卦...祝大家身體健康,恭喜發財!

14.9.08

有眼不識舞獅..





尋晚訓左十三個鐘,所以今日精神好.有時做呢行真係吃得咸魚要抵得渴,一時無覺好訓,一時一訓就十幾個鐘,D內臟都壞鬼晒.所以成日听到D藝人早死就係甘既原因咯.
呢排拍緊“談談情,舞舞獅”,一听就知道套戲係講舞獅架啦.未開拍之前我地幾位演員都要去學D舞獅,听落好似好專業甘,其實我地去學D基本功者,因為我地學果幾日專業得去邊呀?真正舞獅既人起碼學果十年八年.如果吾係拍呢套戲,我都吾係甘了解舞獅,相信好多人都係.所以細佬真係好佩服舞獅既呢班“后生仔”,無佢地既話,華人傳統既文化就吾會延續落去架啦.何為呢班后生仔呢?事關教我地既師傅都係得果二十二歲,佢學左八年,佢既正職係托車,平時佢著住拖鞋騎住佢架蛤仔又或者喳住佢架黐左好大個中文字響個車頭蓋度既國產車黎武館教我地舞獅,點解我要甘黎介紹呢位師傅仔呢?因為當你就甘睇佢,點都睇吾出佢可以舞獅舞得甘勁既.當你見到一班外貌好吾傳統既后生仔一齊做D甘富中國傳統文化既動作,個心真係有D感動.
可以有機會拍到呢套戲,真係內外都開心,內外?內﹣﹣係因為可以介紹舞獅比觀眾,令到大家睇響之余又有機會認識到舞獅人既生活.外﹣﹣事關呢套係一套喜劇,劇本已經好笑,現場拍既時候仲好笑,我拍過甘多部,都未試過笑到收吾到聲NG拍吾到既.希望大家會鐘意呢部“談談情,舞舞獅”啦,好似係明年農曆新年期間播,支持下啦...不過依家都要支持播緊既“還我情真”呀...

1.9.08

吾係解釋既回復..

hello...首先講聲對吾住先,呢排日到夜都響度趕緊戲,所以無時間寫blog,不過我都有睇有D咩留言比我.我發覺呢排有D人對我既言論有D議見...好事黎既,証明你有關注細佬所發表既野.有時過左去既事我吾係甘想再提,不過我又好似深深不憤,因為據說有D人覺得我對mr.O既睇法有D不滿並且話我響網上發表都係為左搏上位,想炒紅自己...唔??甘多位無知既人,吾該大家用個腦捻下,就算我搏上位炒新聞都吾會用呢個人啦,佢對我黎講並無乜野關係同价值,炒都搵第二個啦,...我凈係講事實,就好似我既blog既標題一樣「坦白直接..所以咪成日比人鬧咯..不過我都無理佢地,因為我覺得鬧我既人通常都係吾接受現實至會鬧我者..」不過我就知到有個有心人就將我對mr.O既言論擺左上cari.com黎做事實,証明比大家睇有幾多人對mr.O既行為有議見...將心比心..總知就無乜想再提呢個人啦,無謂影響林小姐安胎既心情啦..

9.8.08

2個“無蔭功”..





呢排除左拍緊新劇之外,都有去出席一D活動,岩岩出席左兩次既同一個活動,就係名為“保護臭氧層,保護孩子們”既環保宣傳活動.“無蔭功”咯,各位大哥大姐,地球真係變緊架啦,幫下手啦....身邊往往都有好多人都知道乜野叫環保,但係試問有幾多個人真係有實行呢?究竟係吾識丫?定係抱住“關我鬼事咩”既態度咧?我就自問對得住天地良心,可以大大聲甘話比人听,我係一個環保主議者!雖然自己並無去深入甘講究,筆竟係城市人,但係我盡自己既能力去將環保呢個動作做好就已經得架啦.凈係每個人少D用膠袋就已經謝天謝地咯,呢樣就肯定大部份人做得到既,用環保袋咯,其實依家有D超級市場(cold storage)都係比環保袋架,可以用完再用,如果你覺得吾夠靚既話,甘去TOP SHOP買野就有個幾靚既環保袋架啦.
講返之前既活動先,“保護臭氧層,保護孩子們”,由一班TI-RATANA既孤兒著住長袖衫,戴住帽同黑眼鏡同我一齊出場,想表達防止紫外線直接照射到細佬仔既皮膚度,以勉大個之后出現白外障同皮膚癌等等既病症.仲有部卡通短片比在場既人睇,話比人知究竟大氣層出現乜野問題,原來少D開冷氣同埋雪匱,經常檢查氣車避勉噴出大量既廢氣,甘就會幫助好大架啦...(我身為都市人,真係吾知點,唯有係“盡”量少用咯)..不過我部車就真係環保車黎既,排氣量勁少,有三粒星架,哈哈.
仲有個“無蔭功”,听完之后我個心有D吾舒服,就係班孤兒,听講前晚凌晨五點幾孤兒院由於電路出現問題而引至火燭,一個六歲大既妹妹為左救個姐姐,推個姐姐出去而自己就困響火海,院長即刻開部車撞向火堆捻住落車救妹妹,由於農煙好勁,自身難保,妹妹就活活被燒死.院長好內疚,好自責,今朝妹妹火化既時候院長都暈過.最令人激氣既係有某間英文報館報道話“幸好只得一名孤兒死亡”...乜野叫“幸好只得一名孤兒死亡”????我話你幸災落禍就真!!院長睇完呢份報道勁難過.試問一個院長請幾個人又點夠照顧超過200個孤兒,同超過60個被遺棄既老人家咧??有時政府福利部仲會“塞”D難民比院長,無額外津貼,佢可以點?咪逆來順受咯,因為佢吾忍心見到人無家可歸...

30.7.08

擺明HARD SELL !!


辛伟廉 眼镜玩家 进军商界
多方位艺人辛伟廉“玩”心大起,进军商界推出充满趣味的“Eye Player”眼镜玩家,势必要打造另一番“大事业”。这次和Tag Eyewear的合作,辛伟廉除了自己担任代言人外,眼镜的设计也是出自他“手笔”,他希望可以藉此带动眼镜潮流,成为时尚配搭。
“Eye Player”眼镜玩家,顾名思义以“玩”为主要目的,以“色,型”为重点。辛伟廉觉得现时的潮流,眼镜已成为了一种流行装饰品,而不再是近视者的专利品,眼镜可以配合服饰作出不同的配搭,得到更好的效果,因此他所代言的眼镜都是以“色,型”来分类,希望可以让每个人的打扮更出“色”,更型。
辛伟廉这次有机会与眼镜公司合作,发挥自己的设计才华,一切都是机缘巧合。较早前Tag Eyewear有幸成为以眼镜公司为主题的電視劇《愛在你左右》电视剧赞助商,而担任男主角之一的辛伟廉,则在剧里饰演一位眼镜设计师,有多个戴眼镜的造型,让老板看了后感到满意,所以就有意找他合作。
在电视剧拍摄完毕后,双方便开始商讨合作事宜,为了比一般的代言更有意义,辛伟廉决定亲自设计,对于服装设计系毕业的辛伟廉来说,这是一项非常新鲜的尝试。辛伟廉花了半年的时间设计和绘图,而后就决定采用六款设计最特别的“Eye Player”眼镜玩家,同时他也参与了其中的投资,成为小股东。首次进军商界他笑言,可以和眼镜商分担销量紧张,亦让他有更大的参与感和责任感。
“Eye Player”眼镜玩家从设计,包装,价格定位,到宣传都由辛伟廉一手包办,他还找来城中著名摄影师为他拍摄这一次的宣传海报,可说是尽心尽力。“Eye Player”眼镜玩家已开始在全马推出,而且还会外销至新加坡及泰国。
*多謝各界人仕支持,第一批已經賣晒,第二批八月出街啦...

28.7.08

好新既得人.好得既新人




呢幾日天下太平,過得安枕無憂,響我生活當中應該算得上係好事黎既.不過人係犯艱既,無風無浪既日子,硬係覺得悶,不過又吾係平淡到呢個地步既,只係D芝麻綠豆既事吾想寫者.不過都有單幾開心既case想同大家分享下既,就係細佬唱片公司既同門師妹chervie何憶文既專輯得到各界人士既支持,已經收到repeat order既訂單啦,真係可喜可賀,試問今時今日馬來西亞華人歌手有幾多個有repeat order既訂單呀...我絕對吾係響到幫chervie宣傳,而係我真係覺得佢係真係掂既.事關由我岩岩識佢果陣,佢真係勁肥既肥妹,成七十幾八十公斤,為左可以出唱片做歌手,而修身減肥變成依家四十幾公斤,單憑呢份毅力,我就已經佩服佢啦.好多人都好好奇究竟佢點減咧,朝早五點幾起身,去gym跑個幾鐘步,然后返工(朝九晚五),放工之后又去gym度健身join class做yoga,body pump,勁踩單車一個鐘burn 900卡果D,之后就返studio練唱...係每日重復做同樣既野,你得吾得呀?我就自問吾得啦...有次仲勁,你有無听過跑步跑到腳流血都仲要繼續跑呀?就算係受左傷都要繼續堅持果份熱誠,絕對吾會為左少少事而放棄...響依家呢個社會已經好難再搵到呢款人啦,依家D后生仔女,做事無樣野上心既,舉個例,有D拍過幾場戲做K,又或者贏過一D電視台既比賽,就已經覺得自己好紅好多人認得佢,工作既時候又吾認真,教佢野就凈係識得噢噢噢!教十次就噢十次,噢完之后都係做返同樣既野,究竟係你底,又還是你已經覺得自己高人一等咧?真係...哎...吾想提啦...講返chervie 啦,佢筆竟係一個新人,好多野都吾係好慣,但係佢對唱歌好執著,好努力去學D自己吾識既野,重未放棄過,就好似佢D歌甘,雖然係口水歌,但係要唱出自己既風格同擺脫原唱者既唱法,都幾難架.至起碼我擺佢張cd響車听都未捻過要換歌听住,證明D歌係掂既,我絕對吾係刷鞋...的而且確係幾好听既.希望大家可以支持下呢個“得”既新人啦..記住佢既名叫Chervie Ho 何憶文 My Love Story ...