一日未死都有新聞听．．．

吾知係咪呢排得閒d咧，成日撲響架電腦前面，睇下人地既blog，發覺到原來馬來西亞既網絡世界里面d八卦野去到香港度．
其實做人最緊要吾好周圍得罪人，尤其係得罪女人，如果吾係，哈，包你死無葬身之地．依家幾個國家既女人都同一時間響度講緊同一個男人d衰野．（此目標人物係我個blog度"一樣米養百樣怪人”里面既MR.O) 好在我都係企呢幾個女人呢邊，因為我都真係覺得呢個“自稱”為博學多才，性格天真無邪既str8 guy非常過份，周圍講話吾係甘仲意我同林小姐既為人，我地有邊忽得罪你呀大老，枉我地之前仲當你係朋友成日介紹d高層朋友比你識，依家識左人就過橋抽板．．其實你係想砍草除根，因為我兩個知道晒你d衰野．．想響呢個圈玩野？哈哈．．剛才收到消息，佢又接到個節目，呢個係一個舊節目，係佢拾二攤得返黎既，其實听落都無咩大不了呀，大家都好鐘意舊主持人，大家都認同佢做得好好，可能係舊主持人吾減價，所以公司至搵佢頂者，可能佢平d咧，但係佢就周圍唱話係果間公司求佢求得好辛苦，佢先至免為其難接既．呢番話果間公司更係吾知啦，因為呢番話凈係講比果d知名雜誌既高層又或者講比其它電視台d有利用價值既人听既，證明比果d人睇佢幾有料．
雖然你大過我，但係我想同你講一聲：紙係包吾住火既．．